Yekaterinbourg

Labour zo d'ober c'hoazh a-raok peurechuiñ ar pennad-mañ. Ma fell deoc'h reiñ un tamm skoazell, krogit e-barzh. Mar karfec'h reiñ hoc'h ali ha netra ken, grit 'ta e pajenn ar gaozeadenn.

Ardamezioù Yekaterinbourg

Yekaterinbourg (Екатеринбу́рг e ruseg), bet anvet Sverdlovsk etre 1924 ha 1991, a zo ur gêr e Rusia, kêr-benn an Oural. Gant 1 305 110 a annezidi (niveridigezh 2010), ez eus anezhi pevare pobletañ kêr Rusia.

Liammet eo anv Yekaterinbourg ouzh daou eus renerien Bro-Rusia: he frezidant kentañ Boris Yeltsin (bevet en doa eno adalek 1950 betek 1985) hag hec'h impalaer diwezhañ Nikolaz II (bet fuzuilhet eno e 1918 gant ar volcheviked, eñ hag e familh).

Istor

Savet e oa bet Yekaterinbourg e 1723 diwar urzh an impalaer Pêr I^añ, pe Pêr Veur. Dont a ra anv ar gêr eus anv Santez Katell ("Yekaterina" a vez graet anezhi e ruseg), rak Katell I^añ e oa anv gwreg Pêr I^añ er mare-se.

Gevelliñ

Gevellet eo gant meur a gêr tro-dro ar bed :

• Plzeň ha Most, Tchekia
• Wuppertal, Nordrhein-Westfalen,  Alamagn, abaoe 1993
• San Jose, Kalifornia, Stadoù-Unanet, abaoe 1992
• Guangzhou, Sina, abaoe 2002
• Genova ha Ferentino,  Italia
• Incheon, Republik Korea
• Kanpur, Uttar Pradesh,  India