Verb-skoazellañ

Er yezhoniezh e vez implijet an termen verb-skoazellañ pe skorverb evit komz eus ur rummad verboù resis, aet da get o pouez semantikel, a dalvez da reiñ titour kevreadurezhel ha/pe semantikel d'ar verb pennañ.

Kemmañ a ra implij ar verboù-skoazellañ a yezh da yezh, da skouer e c'hell talvezout ar verb "ober" da verb-skoazellañ e brezhoneg met n'hell ket talvezout ar verb "fazer", kevatal e ster, da verb-skoazellañ e portugaleg.

Implijoù

Talvezout a ra ar verboù-skoazellañ evit sevel amzerioù kevrennek ar verboù hag er yezhoù indezeuropek ha meur a yezh all e talvezont peurliesañ evit merkañ an arvez hag an doare hag evit sevel an tu-gouzañv.

E meur a yezh romanek (d.s. galleg hag italianeg) hag ivez e yezhoù germanek 'zo (d.s. alamaneg hag izelvroeg) e c'hell dibab an eil verb-skoazellañ pe egile talvezout da lakaat an diforc'h etre verboù tranzitivel amakuzativel diouzh un tu hag amergativel diouzh an tu all hervez ar verboù-skoazellañ implijet gante o-daou, da skouer:

• e galleg:

amakuzativel: Je suis tombé ("Kouezhet on/am eus graet/a ris")

amergativel: J'ai travaillé ("Labouret am eus/Labourat am eus graet/a ris")

E brezhoneg

Tri verb-skoazellañ zo e brezhoneg:

• "bezañ", d.s.:

"Aet_{verb pennañ} on_bezañ da Lannuon"

"Bet_{verb pennañ} on (bet)_bezañ e Lannuon"

"Bez'_bezañ e kouezh_{verb pennañ} an avaloù"

"'Emañ_bezañ o vont_{verb pennañ} da Lannuon"

• "ober", d.s.:

""Komz_{verb pennañ} a ran_ober"

• "kaout"/"endevout", d.s.:

"Debret_{verb pennañ} am eus_kaout an aval"

Gallout a ra talvezout ar verb skoazell "kaout" evit displegañ ivez ar verb "ober" d'e dro:

"Debriñ an aval am eus graet"

[Debriñ_{verb pennañ} {(kaout)_{verb skoazell "ober"} (ober)_{verb skoazell "debriñ"}}]

Gwelit ivez:

• Verb-damskoazellañ
• Verb skañv
• Verb kevrennek