Priapos

Eus Wikipedia
Mont da : merdeiñ, klask
Murlivadur d'an doue Priapos, Ti ar Vettii, Pompeii.
Aberzh da Briapos, gant Goya.

Priapos (Πρίαπος e gregach) a oa un doue a eil renk, unan eus doueed ar frouezhusted, diwaller ar chatal, ar gwez-frouezh, liorzhoù, ha binvioù engehentiñ ar baotred e mojennoù Hellaz kozh. E mojennoù Roma e oa anvet Mutinus Mutunus.

Anavezet mat e oa abalamour d'e vell kalc'h, bepred sonn, ma komzer hiriv eus priapelezh. E liorzhoù bras Roma e veze lakaet delwennoù koad dezhañ (anvet hermai), e koad fiez, livet en ruz, da spontañ brini, da gas kuit ar wallchañs.

Un doue hudur e oa ivez met ne anave ket ar blijadur nag ar speriusted evitañ e-unan.


Mojenn[kemmañ]

Ganet e oa e Lamsakos, war lez an Hellespont, en Azia. Mab e oa da Afrodite, ha da Zionisos pe, hervez doareoù all, da Hermes, pe Adonis, pe Zeus zoken, pe Pan, hervez an oberourien[1] . Dont a ra e galc'h bras eus drougiezh Hera, a oa gwarizi enni abalamour da gened Afrodite. Hag ar vamm gaezh, gant ar vezh, a laoskas he mab da vagañ gant mesaerien ha ne spontent ket rak e venveg.

Hervez oberourien all e oa koshoc'h, un Titan anezhañ, hag a oa bet karget gant Hera da gelenn an armoù da Ares. Un doue hudur eo.

El lennegezh[kemmañ]

Un doareoù barzhonegoù zo anvet Priapeia, diwar anv Priapus.

Azen[kemmañ]

Aberzh un azen a blij dezhañ. Un noz, p'edo o vont da wallañ Hestia, e voe lakaet an doueez war ziwall gant hinnoadenn un azen. Da zeiz lid Hestia e vez bleuniet pennoù an ezen. Met un displegadur all a zo d'e gasoni ouzh an ezen: tabuta oa bet etrezañ hag un azen a oa bet roet ar gomz dezhañ gant an doue Dionisos, war-lerc'h un tamm skoazell en doa roet d'an doue. Kaoz a oa eus pegen hir e oa o c'halc'h. An azen ne oa ket evit Priapos, ha bazhataet e voe gant e enebour betek ar marv.


Commons
Muioc'h a skeudennoù diwar-benn

a vo kavet e Kerandafar.

  1. "Priapus". The Oxford Companion to World Mythology. David Leeming. Oxford University Press, 2004.