Nikolay Prjevalsky
Nikolay Mikhaylovich Prjevalsky (Rusianeg: Никола́й Миха́йлович Пржева́льский), pe Przewalski e anv gwirion, ganet d'an 12 a viz Ebrel 1839 ha marvet d'ar 1añ a viz Du 1888, a oa un douaroniour hag un ergerzher rusian brudet evit bezañ bet studiet Kreiz ha Reter Azia. Biken ne oa deuet a-benn da dizhout e bal pennañ, kêr santel Lhasa e Tibet, met deuet e oa a-benn memestra da veajiñ dre rannvroioù chomet dianav da dud ar C'hornôg. Evel-se ez eas dre Norzh Tibet, Amdo (Qinghai bremañ) ha Dzungaria (norzh Xinjiang hiziv).
Nikolay Prjevalsky en doa sikouret kalz anaoudegezh an Europeiz da geñver Kreiz Azia ha bez e voe ar c'hentañ European da vezañ bet diskrivet ar ouenn kezeg gouez brudet gant an anv Kezeg Prjevalsky.
Ar Marc'h brezel[kemmañ | kemmañ ar vammenn]
Przevalsky en devoa kinniget da bennoù uhel impalaeriezh Rusia lakaat pobladoù "brizh-tud" boudist ha muzulman Kreiz Azia a-enep galloud Sina. Ur wech kroget an emsavioù e vefe disklêriet brezel da Sina gant Rusia ha gant ur bagadig soudarded rusian e vefe aloubet Turkestan d'an nebeutañ.
Mojennoù[kemmañ | kemmañ ar vammenn]
Lod tud a gred dezho e vefe Jozef Stalin ur mab bastard da Nikolay Prjevalsky. Ar vojenn a zo diazezet war tresoù damheñvel dremmoù an daou zen. N'eus prouen istorel ebet a ziskouezfe e vefe bet Nikolay Prjevalsky o weladenniñ Jorjia.
-
Nikolay Prjevalsky -
.jpg)