Nike

Restr:Closeup of the Nike Statue.jpg

Adsavidigezh delwenn Nike en he sav e dorn delwenn ramzel Atena er Partenon

Nike (Νίκη e gregach) a oa doueez an trec'h gant tud Hellaz kozh. Heñvelekaet eo ouzh Viktoria ar Romaned.

Ar vojenn

Merc'h e oa d'an Titan Pallas ha da Stiks (an Dour), ha c'hoar da g-Kratos (ar galloud), Bia (an nerzh), ha Zelos (an treflamm), holl doueed tost da Zeus.

Alies ez eus bet kaoz anezhi evel renerez karr an doueed. A-wechoù e vez kemmesket gant an doueez Atena, hag anvet Atena Nike.

Azeulidigezh

Delwennig eus Nikè e marmor Paros, kavet en Epidaurus: ouzh talbenn kornôk Templ Artemis e oa. Emañ Nikè o nijal war-raok, dispak he divaskell, he gar dehoù laket en a-raok vole. En ur pezh marmor disheñvel eo an divaskell, ha staget e toulloù graet e divskoaz an delwenn. Dibenn ar IVvet kantved kent JK. War ziskouez e Mirdi Hendraouriezh Aten.

Azeuliñ an doueez a veze graet gant prosesionoù, evadegoù, aberzhoù, evit treiñ Nike a-du gant hec'h azeulerien.

Anvioù deveret

• Anvioù-tud :
  • Berenis, ha Veronika, ur stumm latinekaet, a zo anvioù heñvel;
  • Nikeforos, Nikomedes, Nikodemos ( deuet da vout Nicéphore, Nicomède, Nicodème, e galleg);
  • Nicasius, anv latin, deuet da vout Nicaise e galleg.
• Anvioù-lec'hioù: kêrioù Nikea, Nis.

Skeudennoù Nike

Alies e vez diskouezet evel un doueez askellek. Un delwenn brudet anezhi eo an Atena Nike (anvet ivez Trec'h Samotraki ) a zo miret e Mirdi al Louvre.

• 

  Nike Samotrakia, e mirdi al Louvre
• 

  Nike Kolc'his, e Georgia
• 

  Nike Efes
• 

  Bernhard Heiliger: Nike (1956)