Titaned

Kouezhadeg an Ditaned, gant Rubens (v. 1637–1638)

An Ditaned a oa mibien da Ouranos, an Oabl, ha Gaia, an Douar, hervez Gwengelouriezh Henc'hres.

Koshoc'h int eget Doueed an Olimp. Sevel a rejont a-enep an Doueed, ha klask pignat gant an oabl. Distrujet e voent gant Zeus hag e dan-taran.

An anv

E gregach e oa Τιτάν / Titán en unander, ha Τιτᾶνες / Titãnes el liester.

O c'herentiezh

Peurvuiañ e vez kontet c'hwec'h Titan, ha c'hwec'h Titanez, anvet a-wechoù an "Titanided", (e gregach, Tιτaνίς en unander, ha Tιτανίδες el liester), hervez Teogonia Hesiodos.

Met hervez ar relijion orfek e oant seizh ha seizh.

• An Ditaned a oa anezho :
  • Koeos,
  • Krios,
  • Kronos,
  • Hiperion,
  • Japet,
  • Okean, a oa, hervez Hesiodos, an henañ eus ar c'hwec'h breur, hag an Titan nemetañ ha ne savas ket a-enep da Zeus ha Doueed an Olimp .

• An Titanezed a oa anezho :
  • Mnemosine,
  • Foebe,
  • Rea,
  • Teia, pe Etra
  • Temis,
  • Tethys.

Ma ne oa nemet daouzek Titan eta e vez roet an anv-se ivez alies d'o diskennidi, pe da zarn anezho bepred ha dreist-holl

• Prometeüs,
• Épiméthée,
• Atlas,
• Hesperos,
• Ménœtios,
• Hekate,
• Asteria ha Leto,
• Eos,
• Helios ha Selene,
• Perses,
• Pallas hag Astraeos,
• Astrée,
• Éosphoros ha Hespéros,
• ha re all c'hoazh.

Ouzhpenn-se e vez lakaet da Ditaned doueed eus ar remziad kozh evel

• Eurinome,
• Ophion,
• Lélantos,
• Aura,
• Anytos,
• Aristée,
• Typhon
• Dione, a vez lakaet da seizhvet Titanez pa vez lakaet Forkis da seizhvet Titan.

Mojenn

Kentañ bugale Ouranos ha Gaia a oa

• an tri Hekatonc'hir, hanter-kant penn ha kant dorn da bep hini,
• an tri C'huklop, ullagad hepken da bep hini.

Goude e teuas ivez an daouzek Titan.

Ouranos avat, hag-eñ kentañ mestr ar bed, a wele pegen euzhus e oa e vugale, ha pegement a boan a vije da virout e gurunenn, a gasas ar c'hwec'h kentañ d'an Tartaros, izelañ korn an Ifernioù. Ma savas fulor en o mamm Gaia, hag hi d'isañ an Ditaned da zistroadañ Ouranos, met ne voe nemet unan, Kronos, o klask ober un dra bennak. Gortoz a reas e dad gant ur falz, spazhañ anezhañ, ha teurel e galc'h en Okean.

Brazezet gant had Ouranos e teuas an doureier da ober eon hag er-maez da Enez Kitera e voe ganet an doueez Afrodite, evel ma c'haller gwelout e gerdarzh hec'h anv (en gregach Ἀφρός / Aphrós a zo eon). Hervez Élien e voe ganet Afrodite e-barzh ur grogen ha gant ar grogen-se eo e tegouezhas e Kitera. Aet an trec'h gant Zeus eta.

Neuze e rannas ar bed gant e vreudeur Poseidon ha Hades. Da Zeus an Oabl, da Boseidon ar Mor, ha da Hades bed an deñvalijenn, an Ifernioù. Ar bed stabil-mañ eo an hini a c'hallo an dud bevañ ennañ. Met ur brezel all zo war wel, hini ar Ramzed, ma vo an doueed an Olimp hag ar Ramzed oc'h en em zrailhañ.

Kimiezh

• Diwar anv an Ditaned e teu anv an elfenn gimiek "Titaniom".