Mel

Labour zo d'ober c'hoazh a-raok peurechuiñ ar pennad-mañ. Ma fell deoc'h reiñ un tamm skoazell, krogit e-barzh. Mar karfec'h reiñ hoc'h ali ha netra ken, grit 'ta e pajenn ar gaozeadenn.

Gant ar ger "Mel" e tegouezher amañ. Evit sterioù all ar ger, gwelit Mel (disheñvelout).

---

Mel

Ar mel (liester : meloù) a zo un danvezenn c'hwek ha frondus, liv melen pe c'hell dezhi, hag a vez fardet gant meur a seurt gwenan ha un nebeut spesadoù gwesped evit kaout boued evito hag evit magañ o freñvedennoù bihan. P'eo graet gant sukr sunet diwar eztaoladurioù ar bleunioù, ur vammenn a-bouez eo bet evit an Den pa ne ouie ket c'hoazh fardañ ar sukr diwar ar plant (korz-sukr, beterabez). Gwelet eo bet evel ur remed evit pareañ meur a gleñved gant ar vezeien eus an amzerioù koshañ. P'eo implijet evel magadur an dud e teu ar mel eus ar pezh a vez fardet gant spesad ar gwenan "Apis". Gwechall-gozh ha e rannbedoù zo hiziv e vez dastumet mel ar gwenan gouez e-lec'h m'o deus graet o annez, e kreiz ur wezenn goullo da skouer, met ar wenanerien a oar bodañ taolioù-gwenan en un arc'hig a reer ruskennoù eus outo. Ar gwenanerezh (pe ar sevel gwenan), e bal produiñ ar mel a zo ur skourr d'ar gounezerezh.

Gerioù deveret

• divelerez
• mela (verb)
• meladour
• melaer
• melen
• meler
• melus

Gerioù gant mel enno

• bara-mel
• dourvel (= mez)
• gwinvel
• marc'h-mel (= fougaser)

Troioù-lavar

• reiñ mel d'unan bennak
• reiñ mel gant al loa-bod
• ne ra koar na mel

Ar mel er yezhoù keltiek hag er sañskriteg

Kembraeg : mêl, gouezeleg hag iwerzhoneg : mil, kerneveureg : mel. E sañskriteg : mádhu

Pennadoù kar

Sellit ouzh ar ger mel er
wikeriadur, ar geriadur frank.

• chouchenn
• gwenanerezh
• mez
• ruskenn
• bara-mel

Levrolladur

• Janig Bayon. Ar gwenan : "loened an aotrou doue". In : Hor Yezh, 180, Genver 1989