Maria Luisa Carlotta di Borbone-Parma
María Luisa de Parma pe María Luisa de Borbón-Parma e spagnoleg, pe Maria Luisa Carlotta di Borbone-Parma en italianeg, ganet d'an 9 a viz Kerzu 1751 e Parma, ha marvet d'an 2 a viz Genver 1819, a oa pried da Carlos IV ha rouanez Spagn (1751-1819).
Serc'h e oa d'ar pennvinistr Manuel Godoy. Poltredet eo bet meur a wech gant Goya.
Taolenn |
Priñsez da zimeziñ [kemmañ]
Merc'h e oa da Fulup Iañ Parma ha da Elesbed Bro-C'hall, merc'h henañ Loeiz XV, roue Bro-C'hall. Merc'h-vihan e oa d'ar roue gall eta, ha d'ar roue spagnol Fulup V Spagn. Evel he c'hoar Isabelle hag he breur Ferdinand e voe desket a zoare .
He mamm, a veze alies e lez he zad Loeiz XV, e Versailhez, a felle dezhi dimeziñ anezhi pe da briñs Asturiez, an danvez-roue spagnol Carlos IV, pe da zug Bourgogn, Louis de France (1751-1761), mab henañ an daofin Louis de France (1729-1765) hag e wreg Marie-Josèphe de Saxe. Mervel a reas dug Bourgogn en bugel, e 1761, ha da neuze e oa Maria da vezañ euredet gant danvez-roue Spagn. Mervel a eure he mamm e 1759, ha dimezet e oa bet he c'hoar Marie-Isabelle de Bourbon-Parme gant an danvez impalaer Joseph II Aostria, ha gant an eured-se e oa tostaet an darempredoù etre tiegezh ar roue gall (Bourbon) ha hini Aostria (Habsbourg-Lorraine). Mervel a reas izabel e 1763 ma klaskas an intañv Joseph II Aostria addimeziñ d'e c'hoar-gaer gant ar soñj e vije kavet enni ar memes perzhioù mat evel en e baourkaezh gwreg. Ha setu an impalaerezh Marie-Thérèse, mamm an intañv glac'haret, da skrivañ da lez Spagn.
He bugale [kemmañ]
María Luisa ha Carlos IV o deus bet pevarzek bugel (ouzhpenn-se e reas dek kolladenn, gant se e voe brazez peder gwech warn-ugent) :
- Carlos Clemente ( 1771 - 1774)
- Carlota Joaquina ( 1775 - 1830), rouanez Portugal
- María Luisa ( 1777 - 1782)
- María Amalia ( 1779 - 1798)
- Carlos Domingo ( 1780 - 1783)
- María Luisa ( 1782 -1824), rouanez Etruria
- Carlos Francisco ( 1783 - 1784) , marvet da ur bloaz,
- Felipe Francisco ( 1783 - 1784) marvet da ur bloaz,
- Fernando VII (1784 - 1833), roue Spagn.
- Carlos María (1788 - 1855), pretendiente carlista.
- María Isabel ( 1789 - 1848), rouanez an Div Sikilia
- María Teresa (1791-1794) , marvet da dri bloaz,
- Felipe María ( 1792 - 1794) marvet da zaou vloaz,
- Francisco Antonio ( 1794 - 1865), dug Cádiz.
Poltredoù [kemmañ]
-
Maria Luisa Parma (1765), gant Anton Raphael Mengs, Mirdi ar Prado , Madrid.
-
Maria Luisa Parma gant he mantilla (1799), gant Goya
-
The Queen's Coat of arms[1]
