Laorañs

Laorañs zo un anv-badez brezhonek a orin latin ha roet d'ar baotred.

Gerdarzh

Dont a ra eus an anv latin Laurentius, a zeu eus laurus (lore), ha talvout a ra "an hini a zoug al lore", da lavarout eo "an hini zo trec'h", pa ouzer e veze gwisket penn ar varzhed hag ar jeneraled gant lore war-lerc'h un trec'h. Da c'houde e voe arouez trec'h ar relijion nevez war ar baganelezh, evel sant Laorañs, merzher hag a voe poazhet war ur c'hrilh en III^e kantved. Meneget eo an anv e geriadur Gregor Rostren.

Doareoù all

• Lors : berstumm,
• Laorañsa evit ar merc'hed.

E yezhoù all

• alamaneg : Lorenz, Laurenz.
• galleg: Laurent. Hag an anvioù merc'hed Laura, Laure, Lauriane, Laurence, Laurette.
• saozneg : Lawrence, Laurence. Hag an anvioù merc'hed Laura, Laureen,
• italianeg : Lorenzo, deuet da vout diouzh ar c'hiz e Bro-C'hall er bloavezhioù 2000 dindan ar stumm Enzo.
• manaveg : Laurys
• okitaneg : Laurenç
• tchekeg : Vavřinec
• korseg : Larenzu

Tud

Donatien Laurent e 1989.

Sent

Meur a sant Laorañs zo bet:

• Laorañs Roma, diagon ha merzher, lidet d'an 10 a viz Eost
• evit ar re all gwelout Laorañs (sant)

Tud all

Anv-badez

• Laorañs (pab), div wech pab, en 498 hag eus 501 betek 505
• Laorañs Mari Nikolaz (1885-?), barzh
• Laorañs Motrot, skolaer ha skrivagner brezhonek
• Laorañs Jouin pe Lors Jouin, kaner brezhonek

Lesanv

• Laorañs Arabia (1888-1935), lesanv Thomas Edward Lawrence, henoniour, skrivagner hag ofiser en arme saoz

Anv-tiegezh

• Frañsez Laorañs, soudard fuzuilhet er Brezel Bed Kentañ
• Pierre Laurent, (1904-2002) emsaver
• Donatien Laurent, e vab, (1935-2020), gwerinoniour breizhat
• Jacques Laurent (1919-2000), skrivagner gallek

Lec'hanvioù

Breizh

• Meur a Sant-Laorañs zo e Breizh

Kanada

• stêr Sant-Laorañs eo anv stêr veur Kanada, anvet Saint Lawrence River gant ar saoznegerien ha Fleuve Saint-Laurent gant ar c'hallegerien.

Stadoù-Unanet

• ur gêr zo anvet Laurent e SUA, e Su-Dakota
• gwelet ivez Lawrence

Troioù-lavar

• dougen banniel Sant-Laorañs : bezañ sot awalac'h,
• tremen evit ul laorañs : tremen evit unan gars,
• Yann al laorañs : unan gars,
• daeroù sant Laorañs : lesanv ar steredenn-dared.

Gwelet ivez

• Sant Laorañs