Aurora

Gant ar ger "Aurora" e tegouezher amañ. Evit sterioù all ar ger, gwelit Aurora (disheñvelout).

---

Aurora, livet gant Guercino, 1621-23 (livadur terest er c'h-Casino Ludovisi, Roma), ur skouer a liverezh barok.

Aurora ha Titon, priñs Troia, livet gant Francesco de Mura

Aurora eo doueez tarzh an deiz gant ar Romaned. Klotañ a ra gant Eos mojennoù Hellaz, hag Ushas gant an Hindoued.

Bemdez e tifluk da nijal dre an oabl, da gemenn ar beur nevez. C'hoar eo da Sol, an heol, ha da Luna, al loar. Un toullad mat a briedoù he deus, ha pevar mab, ar Pevar Avel, a zo kar da Anemoi Hellaz, evit pevar c'horn an oabl.

• Aquilo, pe Septentrio, avel an hanternoz, a zo Boreas e gregach
• Auster , avel ar c’hreisteiz, a zo Notos e gregach
• Favonius, avel ar c’hornog, a zo Zefiros
• Volturnus , avel ar mervent , a zo Euros

Ur serc'h dezhi e oa Titonus, ha goulenn a reas Aurora digant Zeus reiñ dezhañ bezañ divarvel. met ankouaat a reas goulenn aryaouankiz peurbadel war un dro. Hag ar paourkaezh Titonus a zalc'h da goshaat, ha da goshaat.

Liamm diavaez

• Aurora en Encyclopædia Mythica