Zefyros

Eus Wikipedia
(Adkaset eus Zefiros)
Mont da : merdeiñ, klask
Antonio Bonazza-Zephyrus-Upper Gardens of Peterhof.jpg

Zefyros pe Zefiros (Ζέφυρος e gregach) eo doue kuñv an avel Gornôg, unan a-douez an Anemoi (an Avelioù), e mojennoù Hellaz kozh.
Mab e oa da Eos ha da Aiolos hag e vreudeur e oa Boreas (avel an Norzh), Euros (avel ar Reter) ha Notos (avel ar Su).

E gevatal roman e oa Favonius hag hemañ a oa mestr war ar plant hag ar bleuñv ouzhpenn.

Mojennoù[kemmañ]

Zefyros ha C'hloris[kemmañ]

Bevañ a rae Zefiros en ur c'hev e Thrakia (Bro-C'hres).
Skrapat a reas an nimfenn C'hloris hag e roas dezhi beli war ar bleuñv. O mibien a oa anvet Karpos, Mopsos hag Ampuks.

Zefyros ha Hyakinthos[kemmañ]

Bez' e oa ur priñs e Sparta, ur c'hoant a zen, Hyakinthos e anv, hag a oa deuet da vezañ amourouz Apollon. Hini Zefiros e oa bet ivez hag hemañ a oa savet gwarizi ennañ. Pa oa Apollon hag e amourouz o vannañ kantennoù e c'hwezhas Zefyros un barrad-avel ken kreñv ma'z eas ur gantenn da stekiñ ouzh penn Hyakinthos hag hemañ a voe lazhet moust .
Diwar e wad e krouas Apollo ar bourenn-vran (an hyakinthos e gresianeg).

Zefyros ha Psike[kemmañ]

Pa oa Kupidon o klask karantez Psike e voe kaset ar plac'h gant Zefyros betek kev Kupidon.

Zefyros ha Podarge[kemmañ]

Daou vab all, Balios ha Xanthos, a voe ganet dezhañ gant an Harpienn Podarge.