Ar Barrad-Amzer

Eus Wikipedia
Mont da : merdeiñ, klask
Ar Barrad-Amzer
Giorgione 019.jpg
Giorgione, war-dro 1508
Eoullivadur war vezher
83 × 73 cm
Gallerie dell'Accademia
Venezia
Italia

Ar barrad-amzer (La Tempesta en italianeg), a zo un daolenn graet gant al livour veneziat Giorgione etre 1506 ha 1508. War ziskouez emañ er Gallerie dell'Accademia e Venezia, en Italia.

Urzhiet e oa bet an oberenn gant an noblañs veneziat Gabriele Vendramin.

Lavaret e vez eus an daolenn eo un iskis a oberenn[1]. Gwelout a reer maezioù Arcadia dirak ur gêr, gant ur stêr, gwez ha dismantroù.

N'eus tamm displegadur ebet na barn diazezet sklaer diwar-benn an oberenn. Darn a lavar ez eo un Dec'hadenn da Egipt, reoù all eo un daolenn hag a denn da vojennoù Hellaz kozh, marteze diwar-benn Paris hag Oenone. Hervez un arzvarnour italian, Salvatore Settis, eo ret gwelout ar Baradoz er gêr didud, hag Adam hag Eva e vije an daou zen, gant o mab Kain.

Levezon[kemmañ]

Lavaret ez eus bet e oa bet levezonet Manet gant Ar Barrad-Amzer evit sevel e daolenn Merenn war al Leton[2].

Notennoù[kemmañ]

  1. Büttner, Nils (2006). Landscape Painting: A History. New York : Abbeville Press Publishers. pp. 74–77 p. ISBN 0-7892-0902-0. 
  2. John Rewald,The History of Impressionism, The Museum of Modern Art, 4th revised edition 1973, (1st 1946, 2nd 1955, 3rd 1961), p.85. ISBN 0-87070-369-2.