Zefyros

Eus Wikipedia
Mont da : merdeiñ, klask
Antonio Bonazza-Zephyrus-Upper Gardens of Peterhof.jpg

Zefyros (Ζέφυρος e gregach) eo doue kuñv an avel Gornôg, unan a-douez an Anemoi (an Avelioù), e mojennoù Hellaz kozh.
Mab e oa da Eos ha da Aiolos hag e vreudeur e oa Boreas (avel an Norzh), Euros (avel ar Reter) ha Notos (avel ar Su).

E gevatal roman e oa Favonius hag hemañ a oa mestr war ar plant hag ar bleuñv ouzhpenn.

Mojennoù[kemmañ | kemmañ ar vammenn]

Zefyros ha C'hloris[kemmañ | kemmañ ar vammenn]

Bevañ a rae Zefiros en ur c'hev e Thrakia (Bro-C'hres).
Skrapat a reas an nimfenn C'hloris hag e roas dezhi beli war ar bleuñv. O mibien a oa anvet Karpos, Mopsos hag Ampyks.

Zefyros hag Hyakinthos[kemmañ | kemmañ ar vammenn]

Bez' e oa ur priñs e Sparta, ur c'hoant a zen, Hyakinthos e anv, hag a oa deuet da vezañ amourouz Apollon. Hini Zefyros e oa bet ivez hag hemañ a oa savet gwarizi ennañ. Pa oa Apollon hag e amourouz o vannañ kantennoù e c'hwezhas Zefyros un barrad-avel ken kreñv ma'z eas ur gantenn da stekiñ ouzh penn Hyakinthos hag hemañ a voe lazhet moust
Diwar e wad e krouas Apollon ar blantenn anvet hyakinthos e gresianeg (louzaouenn ar goukoug).

Zefyros ha Psyc'he[kemmañ | kemmañ ar vammenn]

Pa oa Kupidon o klask karantez Psyc'he e voe kaset ar plac'h gant Zefyros betek kev Kupidon.

Zefyros ha Podarge[kemmañ | kemmañ ar vammenn]

Daou vab all, Balios ha Ksanthos, a voe ganet dezhañ gant an Harpienn Podarge.