You Rascal You
You Rascal You zo ur ganaouenn saoznek gant Sam Theard hag a reas berzh er bloavezhioù 1930 e SUA. E 1931 e voe kanet hag enrollet gant Clarence Williams (1898-1965), goude gant Louis Armstrong, Jimmie Noone, Cab Calloway ha tud all.
Abaoe eo bet kanet gant Louis Prima, John Fogerty ha tud all c'hoazh.
Ar son[kemmañ | kemmañ ar vammenn]
Ur son fentus eo, savet diwar-benn un dogan fuloret a zo o klask an hini zo tec'het gant e wreg evit e lazhañ. Spered ar sonioù-pobl zo ennañ.
Meur a zoare zo d'ar c'homzoù (tri da vihanañ, diouzh ar ganerien), met an diskan a chom heñvel : You Rascal You.
An ton[kemmañ | kemmañ ar vammenn]
Meur a zoare zo da ganañ. Hini Clarence Williams a denn un tamm da Jambalaya, savet gant Hank Williams er bloavezh 1952.
Peurvuiañ e vez kanet evel She'll Be Coming 'Round the Mountain, ur ganaouenn-bobl stadunanat savet diwar ar "spiritual"' When the Chariot Comes. Gallout a rafe ton ar spiritual bezañ bet adkemeret ken plaen ha tra diwar un ton all, marteze diwar ur ganaouenn iwerzhonat pe ur c'hantik protestant.
Tonioù all damheñvel[kemmañ | kemmañ ar vammenn]
Tud zo a gav gante eo damheñvel an ton ouzh hini ar ganaouenn-bobl kanadian ha stadunanat Red River Valley (un ton a zo bet adkemeret ivez evit ar c'han iwerzhonat Take It Down from the Mast) .
Ur ganaouenn all zo, It Don't Mean A Thing (If It Ain't Got That Swing) gant Duke Ellington & His Famous Orchestra e 1932 a denn un tamm d'an ton-mañ ivez.
Un ton all damheñvel c'hoazh eo hini Look what they've done to my song, gant Melanie Safka, ur ganerez stadunanat eus New York er bloavezhioù 1970 ; kanet e veze e galleg gant Dalida (Ils ont changé ma chanson) .
Dafydd Iwan a gane al luskellerez Gee ceffyl bach war an ton You rascal you.
Film[kemmañ | kemmañ ar vammenn]
Ur film berr zo bet graet er Fleischer Studios e 1932 hag anvet I'll Be Glad When You're Dead, You Rascal You ma weler Betty Boop, Koko the Clown ha Bimbo ma weler Louis Armstrong hag e laz-seniñ ha ma klever anezho o seniñ hag o kanañ You Rascal You.
Troidigezh[kemmañ | kemmañ ar vammenn]
Lakaet eo bet e galleg gant Serge Gainsbourg, kemmet al lusk, hag anvet Vieille Canaille. Un tamm pell diouzh ar ganaouenn-bobl eo avat, hervez doare ar c'haner gall.
Kanerien[kemmañ | kemmañ ar vammenn]
Un toullad kanerien o deus kanet hag enrollet ar ganaouenn:
- E 1930: Jimmie Noone
- E 1931: Louis Armstrong, Cab Calloway, Red Nichols & His Five Pennies (kaner : Ray McKinley), Tampa Red & His Hokum Jug Band, Andy Kirk & Seven Little Clouds Of Joy, Coot Grant & Kid Wilson, Henry Allen, Howard Joyner, Luis Russell Orch., Washboard Rhythm Kings
- E 1932: The Mills Brothers, Roy Fox Orch. (kaner: Nat Gonella)
- E 1933: Milton Brown & The Musical Brownies -
- E 1949: Woody Herman's Second Herd -
- E 1951: Louis Jordan & Louis Armstrong -
- E 1953: Arkansas Johnny Todd -
- E 1954: Gene Mayl's Dixieland Rhythm Kings -
- E 1958: Louis Prima -
- E 1959: Jimmy McCracklin -
- E 1964: Mance Lipscomb -
- E 1975: John Fogerty -
- E 1988: Sackville All Stars -
- E 1992 : Dr. John -
Hag ivez : Fats Domino; Chris Barber; Ambrose; Lovin' Sam Theard ; Ben Curry; "Champion" Jack Dupree; Fletcher Henderson; Frankie "Hal" Jaxon; George Lewis; Fats Waller; Frank Hovington; Nashville Washboard Band; Jack Teagarden; Skinnerbox NYC; Don Neely; Taj Mahal; Garland Wilson; Clarence Williams; Django Reinhardt; Willie Mabon; Eddie Condon; Acker Bilk.
Liammoù[kemmañ | kemmañ ar vammenn]
Komzoù ar ganaouenn[kemmañ | kemmañ ar vammenn]
- Tri doare saoznek : http://lyricskeeper.fr/fr/cab-calloway/you-rascal-you.html
- Ha : http://www.heptune.com/yourasca.html
Doareoù-kanañ[kemmañ | kemmañ ar vammenn]
Pemp doare kanañ:
E 1931[kemmañ | kemmañ ar vammenn]
- Kanet gant Cab Calloway
- Sonet gant Connie's Inn Orchestra ha kanet gant Rex Stewart .