Yasser Arafat
| Reizh pe jener | paotr  |
|---|---|
| Bro ar geodedouriezh | Palestina |
| Anv e yezh-vamm an den | ياسر عرفات |
| Anv ganedigezh | محمد ياسر عبد الرحمن عبد الرؤوف عرفات |
| Anv-bihan | Yasser |
| Anv-familh | Arafat |
| Moranv | الختيار, ابو عمار |
| Deiziad ganedigezh | 4 Eos 1929 |
| Lec'h ganedigezh | Kaero |
| Deiziad ar marv | 11 Du 2004 |
| Lec'h ar marv | Clamart |
| Abeg ar marv | cerebral hemorrhage, autoimmune thrombocytopenic purpura |
| Lec'h douaridigezh | Mukataa |
| Breur pe c'hoar | Khadija Arafat, Fathi Arafat |
| Pried | Suha Arafat |
| Kar | Nasser Al-Qasabi |
| Yezh vamm | arabeg |
| Yezhoù komzet pe skrivet | arabeg, saozneg |
| Yezh implijet dre skrid | saozneg |
| Micher | politiker, civil engineer |
| Karg | Chairman of the Palestine Liberation Organization, President of the Palestinian National Authority, president of the State of Palestine, Q117225148 |
| Bet war ar studi e | Cairo University |
| Strollad politikel | Fatah |
| Bet war ar renk da vezañ dilennet | 1996 Palestinian general election |
| Strollad etnek | Arabed |
| Relijion | Islam sunnit |
| Grad milourel | commander-in-chief |
| Brezel | 1948 Arab–Israeli War |
| Kunya | Abu Ammar |
Ganet eo Yasser Arafat (ياسر عرفات), d'ar 24 a viz Eost 1929 e Kaero (القاهرة) Egipt ha marvet eo d'an 11 Du 2004 e Clamart (92) (Frañs). E anv melestradurel a oa Mohamed Abdel Raouf Arafat al-Qudwa al-Husseini (محمد عبد الرؤوف القدوة الحسيني) met Abou Ammar (|ابو عمّار) a veze graet anezhañ ivez, diouzh e anv brezel. Ur stourmer hollvrudet evit difenn gwirioù pobl Palestina zo bet eus Yasser Arafat, hag eñ bet o ren ar stourm kuzh a-raok bezañ e penn ar vro.
Unan eus krouerien ar Fatah eo bet er bloaz 1959 hag e penn an Aozadur evit Dieubidigezh Palestina (ODB) eo bet ivez etre 1969 hag e varv. Dre e vrud hag e obererezh e lak anavezout stourm pobl Palestina er bed a-bezh. Diouzh he zu, Israel a ra spontour anezhañ en abeg d'ar stourmoù kalet a ren pe a lez ober. Er bloavezhioù 1990 ez eus anezhañ dileuriad Palestina en divizoù da glask mont war-du ar peoc'h gant Israel. Sinañ a ra emgevlioù Oslo e 1993 gant Yitzhak Rabin, kentañ ministr Israel ha Bill Clinton, prezidant SUA. Dont a ra da vezañ kentañ prezidant riez nevez Palestina ha resev a ra Priz Nobel ar Peoc'h e 1994 asambles gant Shimon Peres ha Yitzhak Rabin.
Adalek 2001, er bloaz m'eo dilennet Ariel Sharon kentañ ministr Israel, betek 2004 eo rediet Arafat gant Israel da chom e kêr Ramallah. Daou vloavezh-pad betek e varv eo lakaet da chom sparlet er Mouqata'a, (burevioù gouarnamant Palestina, e Ramallah). Goude un hir a sez lakaet gant arme Israel war ar Mouqata'a betek Here 2004 eo kaset Abou Ammar war ar prim, hag eñ klañv bras dija, da ospital an arme gall e Clamart ma varv un nebeud deizioù goude d'an 11 a viz Du.