Ramallah

Eus Wikipedia
Sauter à la navigation Sauter à la recherche
Rammalah

Ramallah (en arabeg رام الله Rām Allāh) zo ur gêr vras eus Palestina, e Sisjordnania, ur 15 km bennak er biz da Jeruzalem. E 2015 e oa 41 630 a dud o chom enni.

Evel ar peurrest eus Sisjordania e oa Ramallah e-barzh Jordania adalek Brezel 1948 etre Israel hag an Arabed ha betek ar Brezel C'hwec'h Devezh, e 1967, pa voe aloubet gant soudarded israelat. E 1994 e voe lakaet kêr Ramallah e-barzh tiriad Aotrouniezh Vroadel Palestina, hervez Emglev Oslo, sinet e 1993. Emañ Ramallah e-barzh al lodenn anvet "Tiriad A" eus Aotrouniezh Vroadel Palestina, da lavaret eo el lodenn a zo dindan dalc'h Palestiniz da vat.

Brudet eo ar "Mukata", a zo sez gouarnamant Aotrouniezh Vroadel Palestina, e Ramallah. Kêr-benn da c'hortoz eo Ramallah eta, pa embann Palestiniz e vo o c'hêr-benn e Reter Jeruzalem pa vo savet ur stad palestinat dieub.


Commons
Muioc'h a restroù diwar-benn

a vo kavet e Wikimedia Commons.