Whitchurch (Shropshire)

Ur pennad Whitchurch zo ivez.

Tavarn ar Black Bear (an Arzh du), e Whitchurch

Whitchurch zo ur gêr vihan e Shropshire, e kornôg Bro-Saoz, tost da harzoù Kembre ha da Cheshire. E 2011 e oa 9 781 a annezidi.

E-pad ar I^añ kantved e voe savet ur gêr roman eno, anvet Mediolanum, war an hent a gase eus Chester da Wroxeter. E mirdi Whitchurch e c'haller gwelet aspadennoù eus an amzer roman-se. Er Grennamzer e voe roet d'ar gêr an anv a zo ganti bremañ, Whitchurch, a dalvez kement hag "iliz wenn", abalamour ma voe savet un iliz gant mein gwenn en amzer-se. An iliz pennañ a weler e Whitchurch bremañ a voe savet e deroù an XVIII^vet kantved, gant mein ruz, e lec'h an iliz kentañ.

Anv

A. Mediolanum

• Ptol. II, 3 11 ː Μεδιολάνιον (MEDIOLANUM), ur gêr an Ordovices
• I.A. 469₄ (Iter II) ː MEDIOLANO
• I.A. 481₁ & 482₄ (Iter X) ː MEDIOLANO
• Ravenna 106₄₁ ː MEDIOMANO; 106_43-44 ː MEDIOLANO SAUDONIO / MEDIOLANA / SAUDONIE

Talvoudegezh ː e-pad pell, evel an anvioù heñvel, e oa sonjet ː kreiz ar blaenenn; degemeret hirie kentoc'h ː lec'h glan = sakr pennañ ur bobl

B. Whitchurch

Mat eo derc'hel sonj hag gwenn a dalv ivez evit glan = sakr. Evel-se e vije an dalvoudegezh Whitchurch tost d'an anv koz -()lanum

Tud brudet

• Henry Percy (Hotspur) (1364–1403), ur marc'heg hag a savas meur a wech a-enep ar roue Herri IV.
• John Talbot (kentañ kont Shrewsbury) (ca. 1384–1453), hag a reas brezel ouzh Janed Ark.
• Randolph Caldecott (1846–1886), skeudennaouer levrioù.
• Edward German (1862–1936), sonaozer.

Kêrioù gevellet

Gevellet eo Whitchurch gant :

• Neufchâtel-en-Bray (Bro-C'hall) abaoe 1975, e Normandi, er Pays de Bray.