Mont d’an endalc’had

Volodymyr II Monomac'h

Eus Wikipedia
Volodymyr II Monomac'h
Володимир Мономах
Siell Volodymyr II Monomac'h
Priñs Kyiv
Ren 1113-1125
En e raok Svyatopolk II Kyiv
War e lerc'h Mstislav Iañ Kyiv
Priñs Pereyaslavl
Ren 1094-1113
Priñs Tchernigov
Ren 1078-1094
Priñs Smolensk
Ren 1073-1078
Ganedigezh 26 a viz Mae 1053
Marv 19 a viz Mae 1125
Remziad Мономаховичі [ Monomac'hovitched ]
Tad Vsevolod Iañ Kyiv
Mamm Anastasia Bizantion
Priedoù Gytha Wessex • Eufemia Bizantion • Un trede preid
Bugale Mstislav Iañ Kyiv • Izyaslav Volodymyrovitch • Svyatoslav Volodymyrovitch • Yaropolk II Kyiv • Vyatcheslav Iañ Kyiv • Marytsa Volodymyrivna • Roman Volhynia • Agafiya • Youriy "Dolgoroukyy" • Andriy Volhynia
Poltred en Царский титулярник (Tsarskiy titulyarnik "Titlaoueg an Tsar", 1672)

Volodymyr II Vsevolodovytch Monomac'h (ukraineg : Володи́мир II Все́володович Монома́х Volodýmyr II Vsévolodovych Monomákh ; 26 a viz Mae 1053 – 19 a viz Mae 1125) a voe priñs Smolensk (1073-1078), priñs Tchernigov[1] (1078-1094), priñs Pereyaslavl[2] (1094-1113 ha priñs Kyiv adalek 1113 betek e dremenvan e 1125.

Lakaet e vez da sant dindan an anv kristen Vasily ("Real") en Iliz ortodoks, ma vez lidet bep 6 a viz Mae[3],[4]

Buhez

[kemmañ | kemmañ ar vammenn]

E 1043, Yaroslav Iañ Kyiv (~978 – 1054) a voulc'has ur brezel etre Rous Kyiv hag Impalaeriezh Bizantion. Evit paouez gant ar brezel-se, ar priñs Vsevolod Yaroslavytch Iañ Kyiv (~1030 – 1093) a zimezas dre ziplomatiezh gant ur vaouez a oa kar d'an impalaer Kustentin IX Monomac'hos ("A stourm e-unan"), alese lesanv e vab Volodymyr Vsevolodovytch[5].

En e gentelioù d'e vugale a skrivas e 1117, Volodymyr II a ziskleir endevout graet 83 beaj (eleze ergerzhioù-brezel) hir, bezañ dic'houest da gontañ ar re verroc'h, hag endevout skoulmet ar peoc'h 19 gwech gant ar Bolovtsied[6],[7] En deroù e vrezelie ouzh pobladoù ar stepennoù a-gevret gant e genderv Oleg I Svyaloslavitch Tchernigov, hogen goude bezañ bet kaset gant e dad da ren war Dchernigov e-lec'h Oleg, hennezh en em glevas gant ar Bolovtsied evit adkemer kêr. Adalek an darvoud-se e voe brezelioù garv etre ar gendirvi, a voe kendalc'het gant o bugale ha pelloc'h.

Er bloaz 1068, Volodymyr II Monomac'h a gevredas gant ar Bolovtsied. Adalek 1094 e stalias kêr-benn Rous Kyiv e Pereyaslav[8] er Su en ur chom mestr war broviñsoù an Norzh, ma tiazezas meur a geoded evit unaniñ priñsed lec'hel Rous Kyiv enep pobladoù ar stepennoù, en o zouez kêr Vladimir er bloaz 1108 a zo en Oblast Vladimir e Rusia hiziv.

E 1107 e voe trec'h war ar Bolovtsied a oa o klask aloubiñ Rous Kyiv. Pevar bloaz goude (27 Meurzh 1111) e skoazellas Svyatopolk II Izyaslavtich, priñs Kyiv, da faezhañ ar Bolovtsied ur wech ouzhpenn en emgann ar stêr Salnytsia e-kichen Izioum[9].

Goude marv Svyatopolk II er bloaz 1113, tud Kyiv a c'hourc'hemennas ma tistrofe Volodymyr Monomac'h, ar pezh a reas. Goude e gurunadur e voulc'has e ren, a badas betek man eas da Anaon e 1125. Beziet e voe en iliz-veur Santez Sofia Kyiv.

E-kerzh e ren ec'h embannas meur a lezenn evit distegnañ kevredigezh Rous Kyiv. Dek vloaz goude e dremenvan e voe stlabezet Rous Kyiv gant aloubadeg ar Vongoled.

Kerentiezh

[kemmañ | kemmañ ar vammenn]

Div wech da nebeutañ e timezas Volodymyr II Monomac'h[10] : e 1074 pe 1075 (oadet 21 bloaz pe 22 vloaz) gant Gytha Wessex (* ~1053/1061 – † 1098/1107[11], merc'h da Harold II Godwinson Bro-Saoz, 6 bugel dezho ; un eil pried, merc'h da Aepa, Khan ar Bolovtsied, dianav he anv, 5 bugel dezho hervez ar Primary Chronicle bepred.

Gant Gytha Wessex
  1. Mstislav I Harald, Priñs Kyiv (1076-1132), dimezet e 1095 gant Kristina Ingesdotter, merc'h d'ar roue Inge Stenkilsson Sveden, hag e 1122 gant ur verc'h da verour (Посадник posadnyk) Novgorod, Dmytro Zavydytch.
  2. Izyaslav Volodymyrovytch († 1096), priñs Mourom[12].
  3. Svyatoslav († 1114), priñs Pereyaslavl.
  4. Yaropolk II Volodymyrovytch (1082-1139), priñs Kyiv, dimezet e 1116 da Helen Osetia.
  5. Vyatcheslav Iañ Volodymyrovytch (1083-1154), priñs Kyiv.
  6. Marytsa Volodymyrivna († 1146), dimezet gant Leon Diogenes, mab d'an impalaer bizantat Romanos IV Diogenes.
Gant merc'h Aepa
  1. Roman Volodymyrovytch († 1119), priñs Volhynia, dimezet e 1114 da verc'h Volodar, priñs Peremychl[13].
  2. Yevfymiya Volodymyrivna († 1139), dimezet e 1112 gant Koloman Hungaria, he argasas goude bloaz en abeg da avoultriezh[14].
  3. Agafiya (Agatha), dimezet en 1116 gant Vsevolko, priñs Grodna (Гродна e Belarus hiziv).
  4. Youriy "Dolgoroukyy" ("Brec'h Hir", 1099-1157), priñs Kyiv.
  5. Andriy (1102-1142), priñs Volhynia.

Levrlennadur

[kemmañ | kemmañ ar vammenn]
  • (en) Basilevsky, Alexander. Early Ukraine – A Military and Social History to the Mid-19th Century. Jefferson, North Carolina : McFarland, 2016 (ISBN 978-0-7864-9714-0)
  • (en) Borrero, Mauricio. Russia: A Reference Guide from the Renaissance to the Present. New York : Facts on File, 2004 (ISBN 978-0-8160-4454-2)
  • (en) Bushkovitch, Paul. A Concise History of Russia. Cambridge, Massachussets : Cambridge University Press, 2011 (ISBN 978-0-521-54323-1)
  • (en) Christian, David. A History of Russia, Central Asia and Mongolia – Volume 1: Inner Eurasia from Prehistory to the Mongol Empire. Hoboken, New Jersey : Wiley-Blackwell, 1998 (ISBN 978-0-631-20814-3)
  • (en) Cross, Samuel Hazzard & Sherbowitz-Wetzor, Olgerd P.. The Russian Primary Chronicle – Laurentian Text. Cambridge, Massachussets : The Mediæval Academy of America, 1953 • En-linenn. Kavet : 12 Meu 24.
  • (en) Curta, Florin. Eastern Europe in the Middle Ages (500-1300). Leiden : Brill, 2019 (ISBN 978-90-04-34257-6)
  • (en) Feldbrugge, Ferdinand J. M.. A History of Russian Law: From Ancient Times to the Council Code (Ulozhenie) of Tsar Aleksei Mikhailovich of 1649. Leiden : Brill, 2017 (ISBN 978-90-04-34642-0)
  • (en) Franklin, Simon & Shepard, Jonathan. The Emergence of Russia 750-1200. London : Routledge, 1996 (ISBN 978-0-582-49091-8)
  • (en) Gleason, Abbott. A Companion to Russian History. Hoboken, New Jersey : Wiley-Blackwell, 2014 (ISBN 978-1-118-73000-3)
  • (en) Hanak, Walter K.. The Nature and the Image of priñsly Power in Kievan Rus’, 980-1054 – A Study of Sources. Leiden : Brill, 2013 (ISBN 978-90-04-25982-9)
  • (en) Kendrick, Thomas D. A History of the Vikings. Mineola, New York : Courier Dover Publications, 2004 (ISBN 978-0-486-43396-7)
  • (en) Leon Diákonos & Talbot, Alice-Mary & Sullivan, Denis F.. The History of Leo the Deacon – Byzantine Military Expansion in the Tenth Century. Washington, DC : Dumbarton Oaks Research Library and Collection, 2005 (ISBN 978-0-88402-324-1)
  • (en) Levin, Eve. Sex and Society in the World of the Orthodox Slavs 900–1700. Ithaca, New York : Cornell University Press, 1995 (ISBN 978-0-8014-8304-2)
  • (en) Martin, Janet. Medieval Russia, 980-1584. Cambridge, Massachussets : Cambridge University Press, 2008 (ISBN 978-0-521-85916-5)
  • (en) Moss, Walter G.. A History of Russia – Volume 1: To 1917. New York : Anthem Press, 2003 (ISBN 978-1-84331-023-5)
  • (en) Plokhyi Serhii. The Gates of Europe: A History of Ukraine. London : Penguin Books, 2016 (ISBN 978-0-14198-061-4)
  • (en) Vernadsky, George V.. The Origins of Russia Oxford : Clarendon Press, 1959

Commons
Commons
Muioc'h a restroù diwar-benn

a vo kavet e Wikimedia Commons.

Notennoù

[kemmañ | kemmañ ar vammenn]
  1. ↑ Tchernihiv e rann hanternozel Ukraina hiziv.
  2. ↑ En Oblast Kyiv hiziv.
  3. ↑ (ru) ВЛАДИМИР МОНОМАХ Vladimir Monomakh @ древо Drevo ("Gwezenn"). Kavet : 12 Meu 24.
  4. ↑ (en) Aberido, Giuseppe & Beozzo, Oscar. The Holy Russian Church and Western Christianity. London : Student Christian Movement (SCM) Press, 2011, p. 5 (ISBN 978-0-334-03041-6)
  5. ↑ (en) Kazhdan, Alexander. Rus'-Byzantine Princely Marriages in the Eleventh and Twelfth Centuries. In : Harvard Ulrainian Studies, levrenn 12/13, 1988, pp. 414-429 • JSTOR.
  6. ↑ (en) Primary Chronicle, p. 214.
  7. ↑ (en) 'Grand Prince Vladimir Monomakh's Instruction to His Children, §12. Kavet : 12 Meu 24. ; Polovtsied : ur boblad turkek hag a anneze ar su da Rous Kyiv etre ar stêr Irtych (un adstêr d'an Ob) er Reter, ar C'harpatoù er C'hornôg hag ar morioù [[[Mor Du|Du]], Kaspia hag Aral er Su.
  8. ↑ En Oblast Kyiv e kreiz Ukraina hiziv.
  9. ↑ (uk) Ізюм, Ізюмський район, Харківська область "Izioum, distrig Izioum, Oblast C'harkiv", §5. Kavet : 12 Meu 24.
  10. ↑ Primary Chronicle, p. 299.
  11. ↑ 1107 hervez ar Primary Chronicle p. 203.
  12. ↑ E Rusia en Oblast Vladimir hiziv.
  13. ↑ Przemyśl e Polonia hiziv.
  14. ↑ Chronica de Gestis Hungarorum ; (en) Kálti, Márkus, Dezső (skridaozer). The Hungarian Illuminated Chronicle: Chronica de Gestis Hungarorum. New York : Taplinger Publishing, 1970, p. 132 (ISBN 978-0-8008-4015-0)
Adtapet diwar « https://br.wikipedia.org/w/index.php?title=Volodymyr_II_Monomac%27h&oldid=2092823 »