Tudi

Tudi (Tudy er skridoù kozh pe e galleg) zo unan eus ar venec'h a deuas da Vreizh eus Kembre etre ar V^vet hag ar VI^vet kantved. Stag eo e anv ouzh hini sent all e amzer : Kaourintin, kentañ eskob Kemper, Maodez, Gwennole, saver Abati Landevenneg.

Hervez a ouzomp e oa diskibl sant Maodez. Manac'h e voe en Enez Groe. Sevel a reas ur peniti en Enez-Tudi hag a zeuas da vezañ ur manati kaset da Loktudi.

Lec'hioù

E Breizh :

E anv a gaver e Porzh Tudi, en Enez Groe, ha sant paeron an enez eo.
sant paeron Loktudi hag Enez Tudi, er Vro-Vigoudenn eo ivez. Un delwenn anezhañ (XIV^vet kantved) zo en iliz parrez Loktudi.

Ur gêriadenn anvet St-Tudy zo e Kernev-Veur.

Skrivet eo bet e anv : Tudy, Tudi, Tudius, Tudinus, Tugdin. Lidet eo d'an 9 a viz Mae.

Tudi, Tudual

Dizemglev zo bet diwar-benn an anvioù Tudual ha Tudi. Gant an istorour Bernard Tanguy eo bet lakaet fin d'an tabut : « Pabu Tugdual alias Tudi »^{(Daveoù a vank)}.

Gwelout ivez

Liammoù diavaez