Themis
Themis (gregach: Θέμις / Thémis « lezenn doueel »), merc'h da Ouranos (an Oabl) ha Gaia (an Douar), a oa un Ditanez.
Gwreg Zeus
[kemmañ | kemmañ ar vammenn]Gwreg Zeus e oa, e eil gwreg eta, war-lerc'h Metis. Mamm e oa d'ar Moirai, d'an Eurioù, da Astraeos, d'an Hesperidezed, da deir Nimfenn ar stêr Eridan ha da Harmonia, doueez ar C'henemglev[1].
Doueez ar Justis, al Lezenn hag ar Reizhded e oa Themis, o skoazellañ Zeus en Olimp. Alies e veze diskouezet en arzoù gwechall gant mentel ar justis a bouez ganti arguzennoù an daou du enebet.
Hervez oberourien zo e oa bet gwreg an Titan Japet, a oa breur dezhi, ha genel a reas e vab Prometeus (nemet ne oa ket mamm da vugale all Japet).
Notennoù
[kemmañ | kemmañ ar vammenn]- ↑ Servius ; pseudo-Apollodoros ; Paosanias ar Beajour.