The Elder Scrolls Online

The Elder Scrolls Online

c'hoari video

Heuliad	The Elder Scrolls
Tachenn	MMORPG, c'hoari video faltaziek
Ti-embann	Bethesda Softworks
Bro orin	Stadoù-Unanet
Yezh an oberenn pe an anv	saozneg
Deiziad embann	4 Ebr 2014
Sevener	Matt Firor
Sonaozer	Jeremy Soule
Review score	71/100, 37%
Hollved faltaziek	The Elder Scrolls universe
Tudennoù	Vaermina
Diorroer	ZeniMax Online Studios
Software engine	HeroEngine
C'hoariusted	c'hoari video liesc'hoarier, co-op mode
Input device	logodenn, gamepad
Diaz embann	optical disc, embannadur niverel
Renkadur ESRB	Mature 17+
PEGI rating	PEGI 16
Renkadur USK	USK 16
Lec'hienn ofisiel	http://elderscrollsonline.com
Media franchise	The Elder Scrolls
Endro e-lec'h e tispak	fictional planet
Credits URL	https://www.elderscrollsonline.com/en-us/eso-credits

The Elder Scrolls Online berraet en TESO, zo ur c'hoari video liesc'hoarier enlinenn doare RPG (MMORPG) sevenet gant ZeniMax Online Studios hag embannet gant Bethesda Softworks. Embannet eo bet war ar savennoù Microsoft Windows hag OS X e miz Ebrel 2014. Doareoù war PlayStation 5 hag Xbox Series X/S zo da vezañ embannet. Ul lodenn eo eus an heuliad c'hoarioù video The Elder Scrolls.

Ar c'hoari a ro tro d'ar c'hoarierien da vevañ war ar c'hevandir ijinet anvet Tamriel ha da heuliañ un istor liammet gant hini c'hoarioù all an heuliad Elder Scrolls. Seizh vloaz zo bet rekis evit sevel ar c'hoari a-raok an embann e 2014. Da gentañ e oa bet degemeret etre, met gwellaet eo bet dreist-holl gant un adembann anvet The Elder Scrolls Online: Tamriel Unlimited. Ar wech-mañ, ar vurutelladennoù a oa bet mat war ar c'hemmoù degaset.

The Elder Scrolls Online a oa da gentañ dre goumanant miziek betek ma vefe kemmet an doare e miz Meurzh 2015 o rediañ prenañ met gant prenadennoù e-barzh hag ur c'houmanant diret a zegas traoù ouzhpenn d'ar c'hoarier. Ur wech adanvet "The Elder Scrolls Online: Tamriel Unlimited", e voe embannet war ar c'hoñsolennoù PlayStation 4 hag Xbox One e miz Even 2015. Gwerzhet ez eus bet ouzhpenn 15 milion a skouerennoù e 2020. En holl e oa tro 2,5 milion c'hoarier bep miz e 2017.

Embannadurioù

Embannadur orin

The Elder Scrolls Online a oa bet kemennet d'an 3 a viz Mae 2012, dre al lec'hienn hag er gazetenn Game Informer. Embannet eo bet d'ar 4 a viz Ebrel 2014, war Windows ha Mac. Embannet eo bet goude-se war ar c'hoñsolennoù saloñs d'an 9 a viz Even 2015, war PlayStation 4 hag Xbox One. Goude-se c'hoazh e oa bet embannet war Stadia d'ar 16 a viz Even 2020.

Adembannadur

Nebeut amzer goude embannadur ar c'hoari, e oa bet klemmet gant lod c'hoarierien e oa dibosubl lakaat da dalvezout 30 devezh ouzhpenn roet dezho a-raok ma krogfe ar c'houmanant. Ur gudenn a oa savet ivez gant trucherien a oa deuet a-benn da eilskoueriañ objedoù ha deuet e oant a-benn da rastellañ sammadoù arc'hant ramzel er c'hoari. ZeniMax en doa embannet nebeut amzer war-lerc'h e oa bet gwellaet ar c'hoari ha diskoulmet ar gudenn. Milieroù a gontoù a oa bet serret evit bezañ bet implijet an trucherezh-se.

Doare c'hoari

An doare c'hoari n'eo ket unan linennek, ur meskaj eo etre kefridioù da seveniñ, darvoudoù dre zegouezh hag ar frankiz ergerzhiñ.

Ar c'hoarier a c'hell krouiñ un dudenn hervez e c'hoantoù e-touezh meur a ouenn:

• Mab-den: Nords, Redguards, Bretons, hag impalaerien
• Gouennoù elved: Dunmer (Elved teñval), Altmer (Elved uhel), Bosmer (Elved ar c'hoadeier), hag Orsimer (Orked)
• Gouennoù anevaled: Khajiit hag Argonianed

Ar c'hoarierien a rank choaz ivez e-touezh unan eus ar c'hwec'h klasad pa vez krouet un dudenn nevez gantañ: Dragonknight, Sorser, Nightblade, Templar, Warden, pe igromañser.

Istor

Istor ar c'hoari a dremen war ur c'hevandir ijinet anvet Tamriel e-kerzh an Eil marevezh, met n'eus ket tu da c'hoari en holl lodennoù eus Tamriel. An darvoudoù a dremen a-raok (mil bloaz) ar c'hoari The Elder Scrolls V: Skyrim ha tro 800 vloaz a-raok The Elder Scrolls III: Morrowind ha The Elder Scrolls IV: Oblivion. Daou vrezel zo er memes mare : unan evit dazont ar bed hag unan evit bezañ penn d'ar c'hevandir. E The Elder Scrolls Online, ar c'hentañ brezel zo a-enep ar priñs Daedric Prince Molag Bal, a glask treiñ ar bed en un ifern gant sikour ur walenn. An eil zo evit bezañ penn an Impalaeriezh gant tri strollad o klask bezañ trec'h. Ar c'hoarier zo bet aberzhet da Volag Bal, ha kollet gantañ e ene, ar c'hoarier a glask da gentañ-holl adkavout e ene.

Ouzhpennadurioù

Chabistroù

Ar chabistroù a zo ouzhpennadurioù gant ur senario ha na oa ket er c'hoari diazez. N'eo ket liammet dre ret eeun gant an istor diazez.

Morrowind

D'an 31 a viz Genver 2017, ZeniMax en doa embannet e vefe eus un ouzhpennadur e Vvardenfell, al lec'h hag a oa bet tu da c'hoari ennañ en The Elder Scrolls III: Morrowind.

Summerset

21 a viz Meurzh 2018, ZeniMax e oa bet embannet un ouzhpennadur vras gant Enezenn Summerset ul lodenn eus ar gartenn na oa ket bet tu c'hoari betek-henn abaoe The Elder Scrolls: Arena. Gwerzhet ouzhpenn ar c'hoari diazez, kavet e vez ur zonenn nevez, un istor nevez, sevel bravigoù, hag un hent galloud tro-dro d'an Urzh Psijic. An ouzhpennadur a zo bet embannet d'an 21 a viz Mae 2018 war ar savennoù Windows, OS X hag embannet d'ar 5 a viz Even 2018 war PlayStation 4 hag Xbox One.

Elsweyr

D'ar 15 a viz Genver 2019, e oa bet kelaouet e vo embannet an trede ouzhpennadur doare c'hoari d'ar c'hoari diazezThe Elder Scrolls Online, hag anvet Elsweyr. Al lodenn da c'hoari a dremen en Elsweyr, ul lodenn eus ar bed ijinet na oa ket an tu betek-henn da vezañ gweladennet abaoe The Elder Scrolls: Arena.

Necrom

Kelaouet eo bet ar chabistr Necrom d'ar 25 a viz Genver 2023, ar 7vet chabistr eo ouzhpennet d'ar c'hoari diazez The Elder Scrolls Online. Embannet eo bet d'ar 5 a viz Even 2023 war Windows ha macOS, ha goude-se d'an 20 a viz Even 2023 evit ar PlayStation 4, PlayStation 5, Xbox Series X/S, ha war Xbox One.

Gold Road

D'an 18 a viz genver 2024, eo bet kelaouet e vo embannet an 8vet ouzhpennadur doare istor d'ar c'hoari The Elder Scrolls Online, hag anvet Gold Road. Ur gendalc'hadenn e vo d'an istor Shadow Over Morrowind ledet war meur a vloavezh. embannet e vo e miz Even 2024

DLC

Ouzhpennadurioù met hep istor hir, alies e vez ouzhpennet danvez d'ar c'hoari, pe zonennoù nevez met gant nebeut klaskoù da gas da benn.

The Imperial City

D'ar 14 a viz Even 2015, e-kerzh an abadenn gant Bethesda en E3, un ouzhpennadur (DLC) a oa bet embannet hag anvet The Imperial City, er gêr-benn Cyrodiil. Embannet eo bet war ar savennoù Windows hag OS X d'an 31 a viz Eost 2015. Evit an Xbox One e oa bet d'ar 15 a viz Gwengolo, ha war ar PlayStation 4 d'ar 16 a viz Gwengolo. Gant an ouzhpennadur e oa bet ouzhpennet ur moneiz nevez anvet Tel Var Stones. An ouzhpennadur a ro tro d'ar c'hoarierien da stourm etrezo dre ganioù-skarzhañ dindan kêr. Un tour-meur a oa ouzhpennet ivez, Toull-bac'h an Impalaeriezh.

Homestead

E miz Here 2016, Firor en doa embannet e vefe ouzhpennet an tu d'ar c'hoarierien da sevel tiez e 2017. Embannet e voe d'ar 6 a viz C'hwevrer 2017, evel lodenn eus an nevezadur 13. En holl e vez 40 doare ti disheñvel. An tiez zo disheñvel hervez an dek gouenn a gaver er c'hoari. Tu zo da gaout tiez leuniet gant arrebeuri pe get. Gant aour gouenezet er c'hoari pe dre brenañ aour pe kurunennoù (ur moneiz elektronek er c'hoari) e vez tu da brenañ an tiez hag an arrebeuri ha peadra da leuniañ an tiez.

Ouzhpennadurioù donjon

Shadows of the Hist

Ar rener Matt Firor en doa embannet e oa an ouzhpennadur ziwezhañ DLC evit ar bloavezh 2016 da vezañ unan gant ul liv Argonian. Goude-se e oa bet meneget resisoc'h e oa an titl Shadows of the Hist gant munudoù ouzhpenn. An ouzhpennadur DLC a zegas da donjon ouzhpenn: the Cradle of Shadows ha Ruins of Mazzatun, hag embannet eo bet e miz Eost 2016.

Liammoù diavaez

• (en) Lec'hienn ofisiel The Elder Scrolls Online