Taddea Malaspina

Taddea Malaspina (1505 - ?) a oa ur varkizez italian hag a oa serc'h da Alessandro de' Medici, dug Firenze, e deroù ar bloavezhioù 1530 betek war-dro 1537, ha moarvat ivez mamm da zaou eus e vugale, Giulio di Alessandro de' Medici ha Giulia de' Medici.

He buhez

Merc'h e oa da Antonio Alberico II Malaspina, markiz Massa,^[1] ha Lucrezia d'Este. Dimeziñ a reas da Giambattista Boiardo di Scandiano^[2] Goude marv he fried ha hini he zad e vevas Taddea gant he mamm e Firenze. Un toullad serc'heged he doe, hag Alessandro en o zouez. Gant he c'hoar Ricciarda ez eas an titl goude marv o zad. Dre eured Ricciarda e oa kar an tiegezh d'ar pab Inosant VIII. Ricciarda a oa bet ivez serc'h da Alessandro de' Medici.^[3]^,^[4].

Alessandro de' Medici zo bet poltredet gant Pontormo, war-dro 1534. Gwelout a reer an Dug, gwisket e du, o tresañ dremm ur vaouez. Krediñ a c'haller e oa ur prof evit Taddea Malaspina^[5] An iliz anvet Chiesa della Madonna del Carmine ha manati Santa Chiara e Massa, hiziv e proviñs Massa Carrara, a voe savet war urzh Taddea Malaspina hag a zo en o sav bepred .^[6].

Pennad kar

Ricciarda Malaspina, c'hoar Taddea.

Notennoù

↑ Massa en Toskana a oa ur varkizelezh, ha dugelezh goude, dugelezh Massa ha Carrara, renet gant an tiegezh Malaspina.
↑ Levy (2006), p. 95
↑ Langdon 2006, p. 233
↑ Malaspina
↑ Levy (2006, p. 95
↑ Massa Carrara

Levrlennadur

Langdon, Gabrielle (2006). Medici Women: Portraits of Power, Love, and Betrayal. University of Toronto Press. ISBN 0802038255
Levy, Allison (2006). Re-Membering Masculinity in Early Modern Florence. Ashgate Publishing Ltd. ISBN 0754654044

[1] Massa en Toskana a oa ur varkizelezh, ha dugelezh goude, dugelezh Massa ha Carrara, renet gant an tiegezh Malaspina.

[2] Levy (2006), p. 95

[3] Langdon 2006, p. 233

[4] Malaspina

[5] Levy (2006, p. 95

[6] Massa Carrara

[1]

[2]

[3]

[4]

[5]

[6]