Giulia de' Medici

Eus Wikipedia
Sauter à la navigation Sauter à la recherche
Giulia de' Medici
Poltred Maria Salviati gant ur bugel, livet gant Pontormo. Giulia de' Medici eo ar bugel marteze

Giulia Romola di Alessandro de' Medici[1] (Firenze, 1534 – Firenze, war-dro 1588) a oa merc'h bastard Alessandro de' Medici, dug Firenze, hag e bried-kleiz Taddea Malaspina.

He buhez[kemmañ | kemmañ ar vammenn]

Ur plac'h anvet Giulia Romola, dianav he zad , a voe badezet e Firenze d'ar 5 a viz Du 1535, hahi an hini e oa, a soñjer. War-dro an deizioù-se en devoa urzhiet he zad ur poltred anezhañ e-unan o tresañ dremm ur vaouez gant ur boentenn-arc'hant. Hervez an arzistorourien e oa ur prof d'e serc'h Taddea Malaspina, c'hoar da varkizez Massa, da gounaat ganedigezh o eil bugel, Giulia.
Ur breur koshoc'h he doa Giulia , Giulio di Alessandro de' Medici, hag un hanterc'hoar he do c'hoazh, Porzia de' Medici. Tri bloaz e oa pa voe lazhet he zad e 1537. Bec'h a voe en tiegezh Medici evit kemer ar stur e Firenze hag en tiegezh, ha Giulia hag he breur Giulio a voe tennet digant o mamm ha lakaet dindan evezh Cosimo Iañ de' Medici a renas war-lerc'h Alessandro . Savet e voe Giulia, war un dro gant Porzia, e leandi San Clemente e Firenze, ha goude e lez an dug Cosimo Iañ de' Medici, gant Maria Salviati, mamm an dug. Cosimo en doa prometet ober brav d'ar vugale ha ken pinvidik e oa kinklet o c'hambreier ha re e vugale-eñ. E vamm, Maria Salviati, a rae war o zro hag a voe o tiwall ouzh gwele Giulia pa voe tapet ar plac'hig gant an derzhienn e C'hwevrer 1542. Pareañ a reas Giulia met ar plac'hig all, merc'h bastard , Bia de' Medici, a varvas.[2] Perzh a gemere Giulia e buhez al lez, deskaddurezh a veze roet dezhi, evel da verc'hed all an dug-meur.


Dimezioù[kemmañ | kemmañ ar vammenn]

Tro-spered[kemmañ | kemmañ ar vammenn]

Giulia a oa rok ha lorc'hus abalamour da renk uhel he ziegezh, hag el lez e felle dezhi bezañ lakaet a renk gant an dugez veur Eleonora di Toledo pezh a lakae bec'h aliezik en tiegezh.

Poltred Pontormo[kemmañ | kemmañ ar vammenn]

Giulia e rank bezañ ar bugel e poltred Pontormo ma weler Maria Salviati gant ur bugelig. Diverket e oa bet ar bugel ha ne voe ket gwelet a-raok 1937. Arzistorourien zo o deus bet lavaret e oa poltred Cosimo Iañ de' Medici en bihan, met an holl a lavar bremañ eo Giulia.


Limmoù diavaez[kemmañ | kemmañ ar vammenn]



Notennoù[kemmañ | kemmañ ar vammenn]

  1. Langdon (2006), p. 42
  2. Langdon (2006), pp. 42-50

Lennadurezh[kemmañ | kemmañ ar vammenn]

  • Langdon, Gabrielle (2006). Medici Women: Portraits of Power, Love, and Betrayal. University of Toronto Press. ISBN 0802038255
  • Murphy, Caroline P. (2008). Murder of a Medici Princess. USA: Oxford University Press. ISBN 0195314395