Suzanne (Leonard Cohen)
| Suzanne (Leonard Cohen) | |||||
| Kanaouenn gant Leonard Cohen tennet eus an albom Songs of Leonard Cohen | |||||
| Bro |  Stadoù-Unanet
| ||||
|---|---|---|---|---|---|
| Embannadur | 1967 | ||||
| Enrolladur | Eost 1967 Columbia Studio, New York | ||||
| Pad | 3:49 | ||||
| Rumm(où) | Folk | ||||
| Saver pozioù | Leonard Cohen | ||||
| Sonaozour | Leonard Cohen | ||||
| Produer | John Simon | ||||
| Label | Columbia Records | ||||
| Roudennoù Songs of Leonard Cohen | |||||
|
|
|
||||
kemmañ  |
|||||
Suzanne a zo ur ganaouenn saoznek bet savet er bloavezhioù 1960 gant Leonard Cohen, soner, kaner ha barzh kanadian, hag embannet e 1967. Kanet eo bet ivez gant Judy Collins. Unan eus kanaouennoù Leonard Cohen bet adsonet ar muiañ eo.[1]
Istor
[kemmañ | kemmañ ar vammenn]Da gentañ e oa ur varzhoneg, Suzanne Takes You Down, en dastumad Parasites of Heaven, gant Leonard Cohen, e 1966, evel meur a ganaouenn all eus an albom Songs of Leonard Cohen. Er bloavezh-se end-eeun e voe enrollet gant Judy Collins, ha gant Noel Harrison ha Cohen e-unan en 1967. E 2006 eo bet lakaet er 41añ renk e roll Kanaouennoù gwellañ ar bloavezhioù 1960 savet gant skipailh Pitchfork Media[2].
Orin ar ganaouenn
[kemmañ | kemmañ ar vammenn]En un atersadenn gant BBC en deus displeget Leonard Cohen en doa savet ar ganaouenn goude kejañ ouzh Suzanne Verdal (hag a oa d'ar mare-se gwreg ar c'hizeller Armand Vaillancourt) e Montreal. Er ganaouenn e ra anv eus meur a lec'h eus Montreal, evel ar Stêr Sant-Laorañs hag ur chapelig anvet Notre-Dame-de-Bon-Secours.
En un atersadenn bet aozet gant CBC News e 2006 e komz Suzanne Verdal diwar-benn ar ganaouenn. Lavarout a ra n'he doe tamm darempred korf ebet gant Cohen, daoust d'ar pezh a zo bet soñjet gant lod goude lenn komzoù ar ganaouenn. En un atersadenn bet graet e 1994 gant BBC e lavaras Cohen en doa ijinet kaout darempredoù korf ganti[3]. Suzanne Verdal a lavaras ivez he doa bet tro da welout Cohen div wech abaoe m'he doa graet berzh ar ganaouenn : ur wech goude ur sonadeg gant Cohen er bloavezhioù 1970 hag ur wech ouzhpenn er bloavezhioù 1990, met Cohen n'en doa ket komzet outi. Komzoù ar ganaouenn a voe embannet evit ar wech kentañ e 1966 e-barzh Parasites of Heaven, un dastumad barzhonegoù gant Cohen.
Enrolladennoù kentañ
[kemmañ | kemmañ ar vammenn]Suzanne a voe enrollet da gentañ gant Judy Collins, ha kavout a reer anezhi en he fladenn In My Life embannet e 1966. Goude-se e voe enrollet gant Cohen hag embannet en e bladenn gentañ anvet Songs of Leonard Cohen Meur a wech e voe kanet hag enrollet gant Nina Simone (albomoù : Tell It Like It Is, 1969 ha Just Like A Woman). Kanet eo bet ivez gant Noel Harrison hag ar strollad breizhveuriatFairport Convention[4].
Enrolladennoù nevesoc'h
[kemmañ | kemmañ ar vammenn]Niverus eo ar sonerien hag ar ganerien o deus kanet Suzanne.[1] Menegiñ a c'haller Pearls Before Swine, Françoise Hardy ha Harry Belafonte. Joan Baez a enrollas anezhi ivez (pladenn : From Every Stage, 1975). Kanet eo bet ivez e nederlandeg gant Herman van Veen e 1969 hag en italianeg gant Fabrizio de André e 1984. Kanet eo bet ivez gant ar strollad breizhveuriat The Flying Lizards (pladenn : Top Ten, 1984). Peter Gabriel en deus kavet anezhi ivez (pladenn Tower of Song, un dastumad da enoriñ Leonard Cohen) hag ivez Geoffrey Oryema (pladenn : I'm Your Fan). Tori Amos he deus kanet e-pad he zroiad Original Sinsuality Tour e 2005. James Taylor a ganas anezhi war e bladenn Covers (2008).
Lodennoù eus "Suzanne" a zo bet implijet ivez. Robert McKay en deus impljiet tammoù' zo da ditloù pennadoù e romant Dave's Song (1969). Ar ganaouenn a glever ivez er film The Second Coming of Suzanne (1974). Ar c'haner hip hop Plan B en deus implijet anezhi en e vixtape Paint It Blacker. Izili R.E.M. o deus lakaet Cohen da gensaver o c'hanaouenn "Hope" (albom : Up, 1998), peogwir ez eo damheñvel an div ganaouenn.
Suzanne er sinema
[kemmañ | kemmañ ar vammenn]Ar ganaouenn Suzanne a glever :
- e dibenn film berr Cohen anvet I Am a Hotel (1983).
- e Breaking the Waves gant Lars von Trier.
- hag er film "Leonard Cohen: I'm Your Man", kanet gant Nick Cave.
Notennoù
[kemmañ | kemmañ ar vammenn]- ↑ 1,0 ha1,1 Arjatsalo, J., Riise, A., & Kurzweil, K. 11 a viz Gouere 2009). A Thousand Covers Deep: Leonard Cohen Covered by Other Artists. The Leonard Cohen Files
- ↑ https://web.archive.org/web/20090524005919/http://pitchfork.com/features/staff-lists/6404-the-200-greatest-songs-of-the-1960s/2/ | The 200 Greatest Songs of the 1960s, Pitchfork Media
- ↑ http://arquivo.pt/wayback/20090707111733/http://www.webheights.net/speakingcohen/bbctrans.htm
- ↑ http://www.allmusic.com/song/t619235
Liammoù diavaez
[kemmañ | kemmañ ar vammenn]- Ar c'homzoù, e lec'hienn The Leonard Cohen Files
- Istor "Suzanne" – The National (CBC)
- Tammoù eus atersadenn Suzanne Verdal McCallister, BBC Radio 4 FM, miz Even 1998
- Daevoù da Suzaenn er sevenadur pop
- Kanet gant Joan Baez e Karaez