Selene
Selene
| Reizh pe jener | plac'h  |
|---|---|
| Anv er yezh orin | Σελήνη |
| Tad | Hyperion |
| Mamm | Theia, Basileia |
| Breur pe c'hoar | Eos, Helios |
| Kompagnun(ez) | Endymion, Helios, Zeus |
| Azeulet gant | Relijion er gevredigezh hellazek |
| Tachenn ar sant pe doue | Loar |
| Deskrivet dre | Selene |
Selene (henc'hresianeg : Σελήνη [selɛ̌ːnɛː], "loar") a oa doueez al Loar ha dreist-holl doueez al loargann e mojennoù Henc'hres, ha merc'h d'an Ditaned Hyperion ha Theia. Luna e oa hec'h anv e latin gant ar Romaned.
Deskrivet e veze evel ur vaouez koant, gwenn lufrus he liv, gwisket gant ur sae wenn pe arc'hantet he liv, ur c'hresk-loar war he fenn.
Kemeret e voe he lec'h gant Artemis, ha lec'h Luna gant Diana. En dastumad anavet evel Kanoù Homerek, ez eus ur c'han da Selene (XXXII), kevret gant ar c'han da Helios, an Heol.
Merc'h an Titan Hyperion ha Theia e oa, ha c'hoar Helios hag Eos (tarzh-an-deiz).
Eil ezel an driadenn eo Luna gant Artemis (loargresk) ha Hekate (loar nevez).
Anvioù deveret
[kemmañ | kemmañ ar vammenn]- Komzet e vez eus selenouriezh, hag a zo douarouriezh al Loar.
- Un elfenn gimiek zo anvet seleniom, diwar anv Selene.