Saints Row (heuliad c'hoarioù video)

Saint Row
Doare	C'hoari gwezh-avantur
Lodennoù	5: Saints Row Saints Row 2 Saints Row Undercover - C'hoari nullet Saints Row: The Third Saints Row IV
Krouerien	Volition High Voltage Software G5 Entertainment CD Projekt
Embanner	THQ(2006-2013) Deep Silver (2013-bremañ)
Doare	C'hoari e-unan Liesc'hoarier Gwezh-avantur Bed digor
Sistem diazez	Xbox 360
Sistemoù	Microsoft Windows Xbox 360 Linux Xbox One PlayStation 3 PlayStation 4
Bro	Volition Stadoù-Unanet Amerika
Devezh embannadur	Saint Row - 29 a viz Eost 2006
Lec'hienn internet	https://www.saintsrow.com
Peseurt oad

Saints Row a zo un heuliad c’hoarioù video doare gwezh-avantur en ur bed digor krouet gant ar studio Volition hag embannet a-benn bremañ gant Deep Silver.

E-pad an E3 e 2011 - Bruderezh d'ar c'hoari Saints Row The Third

Istor ar c’hoari a zo hini ur gang Amerikan anvet ar Third Street Saints, ‘pezh a ro anv an heuliad c’hoarioù. An doare da c’hoari pe gameplay a zo unan doare frank pe bed digor dre an doare c’hoari hag a zo kemmesk etre unan nann linenneg ha gwezh-avantur gant ul lodenn redadeg. An heuliad a zo brudet dre an tu farsus d’ar c’hoarioù. Istorioù an heuliad c’hoarioù video a zo bet skrivet evel istorioù farsus gant liammoù ouzh ar sevenadur poblek : adkemerioù troet gant ar fent, gwazoniezhoù pe c’hoazh luadennoù. Goude bezañ bet echuet gant ar c’hoari video Red Faction II e fin ar bloavezh 2002, ar sevenerien eus an embregerezh Volition o devoa staget gant al labour war ur c’hoari nevez anvet Saints Row. Embannet e oa bet ar c’hentañ c’hoari diazez d’an heulienn e 2006 ha degemeret mat gant ar buruteladennerien hag o kaout berzh mat gant ar werzhadennoù.

E 2008 e oa bet embannet an eil tamm d’an heuliad anvet Saints Row 2, degemeret e oa bet mat evel an hini gentañ d’an heuliad ha berzh mat a reas da geñver gwerzh betek muioc’h c’hoazh evit e hendad. An trede lodenn d’an heuliad anvet, Saints Row: The Third a oa bet embannet d’ar 15 a viz Du 2011. Ar pevare tamm, Saints Row IV a zo bet embannet d’an 20 a viz Eost 2013, gant un ouzhpennadur doare standalone anvet Gat out of Hell embannet d’an 20 a viz Genver 2015 e Norzh-Amerika ha d’an 23 a viz Genver 2015 en Europa. E miz Gwengolo 2013, an Heuliad c’hoarioù video Saint Row a oa bet gwerzhet ouzhpenn da 13 million skouerenn, ar pezh a lak an heuliad da vezañ unan eus ar re gwerzhet ar muiañ e bed ar c’hoarioù video. Alies e vez keñveriet gant an heuliad c’hoarioù video Grand Theft Auto (GTA).

C'hoarioù

Lodennoù d'an heuliad c'hoarioù Saints Row

Embannadur	Titl	Urzhiataer	7vet remziad	8vet remziad	Sevener	Eil sevenerien
2006	Saints Row	Netra	X360	Netra	Volition	Netra
2008	Saints Row 2	Windows, Linux, SteamOS	X360, PS3	Netra	Volition	CD Projekt (PC port)
2010	Saints Row Undercover C'hoari nullet	Netra	PSP	Netra	Volition	Netra
2011	Saints Row: The Third	Windows, Linux, SteamOS	X360, PS3	Netra	Volition	Netra
2013	Saints Row IV	Windows, Linux, SteamOS	X360, PS3	Xbox One, PS4	Volition	High Voltage Software (Re-Elected, DLC)

Soñjet e oa bet da sevel ur c'hoari anvet Saints Row Undercover war PSP met nullet e voe er bloavezh 2010. An tu a zo bet roet d'e bellgargañ digoust er bloavezh 2016 gant ar studio Volition.