Ronan Caerleon

Eus Wikipedia
(Adkaset eus Ronan Kaouisin)
Sauter à la navigation Sauter à la recherche
Ronan Caerleon
Ronan Caerleon
Anv ofisiel René Caouissin
Anv pluenn Ronan Caerleon
Ronan Caouissin
Obererezh Embanner
Skrivagner
Saver Filmoù
Poder
Ganedigezh 1914
e Pleiber-Krist, Breizh Breizh
Marv D'an 12 a viz Meurzh 1986
En Dreneg, Breizh Breizh
Yezh skrivañ Galleg
Oberennoù pennañ
Au village des condamnés à mort
Complots pour une république bretonne
La révolution bretonne permanente
Le rève fou des soldats de Breiz Atao
Traoù ouzhpenn
Anne de Bretagne en bandes dessinées
Breizh : visions d'histoire
Bretons d'aujourd'hui
Gwenn ha du
Landouzan au cœur des siècles bretons
Les Bretons le dos au mur : le F.L.B. devant la Cour de sûreté de l'État''
Les chevaliers de la table ronde


Ronan Caerleon eo anv-pluenn Ronan Caouissin, ur broadelour kristen breizhat hag ur skrivagner gallek, bet ganet e 1914 e Pleiber-Krist ha marvet e 1986.

Buhez[kemmañ | kemmañ ar vammenn]

Bez' e voe embanner ha skrivagner. Tad da bemp bugel e voe. Kemer a reas perzh e strollad c'hoariva ar Bleun-Brug a voe « goude gousperoù e brezhoneg » an anv anezhañ. Bet e voe tost ouzh Yann-Vari Perrot. E 1938 ez eas daou vizvezh en toull-bac'h e Sant-Brieg a-gevret gant Célestin Lainé evit bezañ livet luganoù broadelour war vogerioù, da geñver gweladenn arlevier Bro-C'hall.[1]

E 1939 e timezas da Jorda Renault, ur glañvdiourez en doa graet anaoudegezh ganti e pardon Koat Kev e Skrigneg. Ober a reas war-dro ar gelaouenn gristen Olole evit ar yaouankiz, gant e vreur Herri Caouissin. Adarre e voe toullbac'het e 1944 e-pad eizh miz. E-doug mizioù e voe difennet outañ dont da chom e Breizh hag e rankas dilojañ da Enez-Frañs.

Ouest-Eclair, 24 a viz Mae 1938, harzadenn Ronan Caerleon evel sekretour melestradurel ar gazetenn Breiz Atao.

War-lerc'h ar brezel e roas lañs da fiñvskeudennoù breizhek gant e vreur, dre ar gevredigezh Brittia-films. Skrivañ a reas meur a levr e galleg a-zivout politikerezh Breizh hag an emsav, gant e-leizh a hanezennoù diwar-benn oberourion an eil Emsav, awenet gant an tu-dehou hag ar gristeniezh kentoc'h. Diwezhatoc'h e teuas da vout ur poder, d'an oad a 60 vloaz, pa grouas an "Ti-labour Keltiek" en Dreneg.

Mervel a reas d'an 12 a viz Meurzh 1986. Douaret e voe e bered An Dreneg.

E vab-bihan Gwendal Piégais en deus kengrouet ar gelaouenn Nidiad.

Levrioù[kemmañ | kemmañ ar vammenn]

Complots pour une république bretonne.jpg
  • Bretons d'aujourd'hui, 1938.
  • Gwenn ha Du, emb. Ronan, Pleiber-Krist, 1938.
  • Les chevaliers de la Table Ronde, emb. Brittia, 1945.
  • Complots pour une République bretonne, Les dossiers secrets de l'autonomisme breton, La Table Ronde, 1967. [2]
  • La Révolution bretonne permanente, emb. La Table Ronde, 1969.
  • Au village des condamnés à mort, emb. Brittia, 1970.
  • Breizh : visions d'histoire. Melezour Breizh - Fontenay-aux-Roses. (gant V. Ler). 1970
  • Les Bretons le dos au mur : le F.L.B. devant la Cour de sûreté de l'État, La Table Ronde, 1973, emb. Brittia, 2000. ISBN 2845600062.
  • Le rêve fou des soldats de Breiz Atao, emb. Nature et Bretagne, 1974.
  • Anne de Bretagne en bandes dessinées, Ti Labour Keltiek, Plabennec, 1977. (gant Jorda Caouissin, e wreg)
  • Landouzan au cœur des siècles bretons. An Dreneg, emb. Mignoned - 1979. (gant Jorda Caouissin).

Levrlennadurezh[kemmañ | kemmañ ar vammenn]

  • Gwenaël Foucré, Les frères Caouissin, Bretons sans entrave. Sur la route au but lointain, Skol-Veur Roazhon, 1990.

Ere diavaez[kemmañ | kemmañ ar vammenn]

Notennoù[kemmañ | kemmañ ar vammenn]

  1. Gw. pajenn 144 Au village des condamnés à mort : "Ronan Caerleon en ur vont er maez eus an toull-bac'h e 1938. Kondaonet gant Lainé ha Geffroy evit bout iriennet trubuilhoù e-sell gweladenn arlevier ar Republik e Sant-Brieg." (Troet diwar ar galleg)
  2. "Daoust da berzhioù mat ez eo oberenn C. muioc'h hanezennel eget istorel ha ne vank ket a fazioù a fed pe a varn e-barzh, daoust d'an hegarat ma 'z eo." (Goulven Pennaod, keneil da R. Caouissin, troet diwar ar galleg).