Roger Vercel

Eus Wikipedia
Sauter à la navigation Sauter à la recherche
Roger Vercel e 1934

Roger Vercel (Roger Delphin Auguste Cretin diouzh e anv gwir), bet ganet er Mañs d'an 8 a viz Genver 1894 hag aet da Anaon d'ar 26 a viz C'hwevrer 1957 e Dinan, a oa ur skrivagner gallek.

E vuhez[kemmañ | kemmañ ar vammenn]

Pa darzhas ar Brezel-bed kentañ e oa Roger Vercel war e studi e Kevrenn al Lizhiri Caen. Dre ma ne oa ket mat e weled e oa bet kaset da dalbenn ar reter hag an hanternoz da Vro-C'hall d'ober evit kravazhataer. O vezañ ma vanke un toullad mat a ofiserien e voe c'hoariet warnañ da vont da skol-arme Saint-Cyr e-lec'h ma tapas e c'haloñsoù a ofiser. Kemer a reas perzh en Emgann an Ijzer, en Emgannoù Champagn hag en Emgann ar Somme. Disoudardet e oa bet bloaz war-lerc'h sinadur an Arsav-brezel tra ma oa isletanant war dalbenn ar Reter.

Distreiñ a reas da Zinan ma voe anvet da gelenner war al Lizhiri, er skolaj, e 1921. E 1927 e voe tapet e zoktorelezh war al Lizhiri gantañ goude souten e dezenn, Skeudennoù e-barzh oberenn Corneille an danvez anezhi, ar pezh a reas d'an Akademiezh c'hall dereiñ dezhañ ar Priz Saintour war an Istor lennegel.

Ganet e oa bet e vab Jean d'ar 7 a viz Gouere 1929.

Skrivañ a reas ur pennad-skrid enepyuzev taer hag a voe embannet war bajenn gentañ ar gazetenn L'Ouest-Éclair d'ar 16 a viz Here 1940 (adlakaet war wel e 2011 e savas tabut diwar-benn ar c'houlzad-mañ eus buhez ar skrivagner).

D'an 30 a viz Eost 1949 e oa bet roet dezhañ ar rez a ofiser en Urzh vroadel ar Strollad a Enor.

E oberennoù[kemmañ | kemmañ ar vammenn]

Awenet e oa gant e eñvorennoù brezel pa grogas da skrivañ (Notre père Trajan, Capitaine Conan, Léna) petra bennak ma voe bed ar mor e kreizig-kreiz e oberenn. A-viskoazh e oa bet troet gant buhez an dud a vor daoust dezhañ bezañ chomet war chafot ar saout e vuhez-pad.

Gopret e voe Au large de l'Eden gant Poellgor Femina Bro-C'hall-Amerika e 1932 ha tapet e voe ar Priz Goncourt gantañ e 1934 evit Capitaine Conan.

Romantoù[kemmañ | kemmañ ar vammenn]

  • Notre père Trajan, Albin Michel, 1930.
  • En dérive, Albin Michel, 1931.
  • Au large de l'Eden, Albin Michel, 1932.
  • Le Maître du rêve, Albin Michel, 1933.
  • Capitaine Conan, Albin Michel, 1934 (adembannet e 1996).
  • Remorques, Albin Michel, 1935.
  • Léna, Albin Michel, 1936 - adembannadur Les Éditions du Sonneur, 2012.
  • Sous le pied de l'archange, Albin Michel, 1937.
  • Jean Villemeur, Albin Michel, 1939.
  • La Hourie, Albin Michel, 1942.
  • Aurore boréale, Albin Michel, 1947.
  • La Caravane de Pâques, Albin Michel, 1948. (skeudennoù gant Frédéric Back)
  • La Fosse aux vents :
    • I. Ceux de la Galatée, Albin Michel, 1949.
    • II. La Peau du diable, Albin Michel, 1950.
    • III. Atalante, Albin Michel, 1951.
  • Visage perdu, Albin Michel, 1953.
  • Le Bateau qui pleure, Tallandier, 1953.
  • L'Île des revenants, Albin Michel, 1954.
  • Été indien, Albin Michel, 1956.

Danevelloù[kemmañ | kemmañ ar vammenn]

  • Rencontrées sur l'épave, NRF Gallimard, 1936.
  • Le Vœu de Quintin e-barzh Cinq histoires de France, Roger Dacosta evit Laboratoire de l'Hépatrol, 1937.
  • La Clandestine, Albin Michel, 1941.
  • Mer Blanche e-barzh Lectures de Paris n° 3, S.E.PE., 1945.
  • Rafales, Albin Michel, 1946.
  • La Mauvaise Passe e-barzh Trio n° 1, éd. Colbert, 1946.
  • Au bout du môle, Albin Michel, 1960.
  • La Tête d'Henri IV, N.R.F. Gallimard, 1960 (adembannadur Rencontrées sur l'épave dindan un titl nevez).
  • Vent de Terre, Albin Michel, 1961.
  • Goar et l'Ombre, levrig ennañ « La « Gorgone » et l'« Évohé » », « La Main », « Le Vœu de Quintin », « Cambriolages », « L'Île », « La Noce », « Floating vampire », « Le Naufrage de la « Sylvie » », Albin Michel, 1962.