Pierre Laval

Eus Wikipedia
Sauter à la navigation Sauter à la recherche
Pierre Laval e 1931

Pierre Laval, bet ganet d'an 28 a viz Mezheven 1883 e Châteldon (Puy-de-Dôme) hag aet da Anaon d'ar 15 a viz Here 1945 e Fresnes (Val-de-Marne a-vremañ) a oa ur politikour ha den-stad gall.

Anvet meur a wech da Brezidant Kuzul an Trede Republik c'hall e voe eil den pennañ Renad Vichy, just dindan Philippe Pétain. Gantañ e oa bet kaset da benn politikerezh ar c'henlabour stad gant an Trede Reich.

Besprezidant ar C'huzul ha tonket da gemer plas ar marichal Pétain e oa bet skarzhet a-daol-trumm d'an 13 a viz Kerzu 1940, a-raok bezañ anvet da benn ar gouarnamant adalek an 18 a viz Ebrel 1942 betek an 19 a viz Eost 1944. Da vare dieubidigezh Bro-C'hall e tibabas tec'hel kuit ; lakaet harz warnañ e voe kondaonet d'ar marv gant al Lez Veur evit trubarderezh ha fuzuilhet d'ar 15 a viz Here 1945.