Passendale

Commons

Muioc'h a restroù diwar-benn

Passendale

a vo kavet e Wikimedia Commons.

Passendale en izelvroeg, Passchendoale e flandrezeg kornôgel, zo ur ranngumun e Flandrez Belgia e rannvro Westhoek hag e proviñs Kornôg-Flandrez. Ur gumun e oa gwechall ; gant lezenn 1977 eo bet lakaet e kumun Zonnebeke.

Istor

An iliz hag ar gêriadenn a voe distrujet razh e-kerzh Emgann Passendale (Trede Emgann Ieper).
Tapet e voe ar gêriadenn gant an Alamaned e miz Ebrel 1918, a-raok bout adkemeret gant Lu Belgia d'an 28 a viz Gwenholon 1918.

Iliz katolik Sint Audomarus
Ar monumant kanadian e Crest Farm el lec'h bet tapet gant ar 72nd Battalion (Seaforths) Canadian Expeditionary Force (CEF), hag ar gêriadenn

Tyne Cot Cemetery: Ur vered ag ar Brezel-bed kentañ eo, an hini vrasañ a-douez beredoù brezel ar C'hommonwealth er bed a-bezh. Implijet e voe adalek an 6 a viz Here 1917 betek dibenn Meurzh 1918. Douaret e voe enni 343 soudard eus Lu ar Rouantelezh Unanet ha lu Kanada. Tapet e voe ar vered hag ar gêriadenn gant an Alamaned e miz Ebrel 1918, a-raok bout adkemeret gant Lu Belgia d'an 28 a viz Gwenholon 1918. Goude an arsav-brezel e voe degaset enni ur bern korfoù soudarded kemeret e beredoù bihan ag ar vro tro-dro^[1].

Passchendaele New British Cemetery: Ur vered ag ar Brezel-bed kentañ eo. Savet eo bet goude an arsav-brezel. Degaset e voe enni ur bern korfoù soudarded marvet en emgannoù e Passendale hag e Langemark. Dianav eo chomet tro 1 600 anezhe^[2].