Padern

Eus Wikipedia
(Adkaset eus Padarn)
Sant Padern

Padern (Paternus e latin) e oa eskob kentañ Gwened war-dro 560 hervez ar vojenn deuet betek ennomp. Eus Breizh e oa, pe marteze eus Kembre, nemet un den all e vije ar Padarn anavet e Kembre.
Ur Paternus all, Padern Avranches, zo bet eskob en Avranches e Normandi.

Mard eo asur ez eus bet un den anvet Padern evel eskob e Gwened, n'ouzer ket hag ar c'hentañ eo bet evel ma'z eo skrivet war roll kozh an eskibien. Pa 'z eus bet dalc'het ur sened-Iliz e Gwened war-dro 463 e c'heller krediñ e oa ur gumuniezh kristen eno d'ar mare-se. Pelloc'h e 610 e weler anv Modestus evel eskob Gwened deuet da sened-Iliz Orléans.

Daoust ma'z eus bet savet ur buhezskrid latin, ar Vita Paterni, ne gaver ket ennañ traoù hag a c'heller krediñ. Aet e vije Padern, ur galian-roman o chom en Arvorig anezhañ, da ziazezañ ur manati da Gembre, anvet Llanbadarn Fawr (Lanbadern Veur) e Ceredigion tost da Aberystwyth hag ivez manatioù all.

E Kembre[kemmañ | kemmañ ar vammenn]

Un toullad ilizoù zo en e anv e Ceredigion ha Powys. Hini Llanbadarn Fawr e-kichen Aberystwyth eo an hini muiañ anavet.

Dismantroù un iliz kozh zo nepell diouzh Llanberis, e Gwynedd, hag en e anv e vije bet, ma kreder ivez eo en e anv emañ Llyn Padarn ha Dolbadarn .

Ilizoù gouestlet da sant Padern[kemmañ | kemmañ ar vammenn]

Iliz Lec'hiadur Wikidata
GwenedBreizh Breizh 47°39'33.84" N – 2°45'14.51" K Q3583474
Louvigneg-BaezBreizh Breizh 48°02'53.2" N – 1°19'52.7" K Q3583475
Llanbadarn FynyddKembre Kembre 52°23'25.1" N – 3°19'36.4" K Q13129608
Llanbadarn OdwynKembre Kembre [52°13'12" N – 4°06'20.9 K] Q20593317
Llanbadarn TrefeglwysKembre Kembre 52°14'45.4" N – 4°10'47.6" K Q24341789
Llanbadarn y GarregKembre Kembre [52°07'43.7" N – 3°17'42.7" K] Q20593327
Llanbadarn Fawr (Powys)Kembre Kembre [52°16'09.5" N – 3°20'21.9" K] Q17738754
Llanbadarn Fawr (Ceredigion) – Kembre Kembre 52°24'32.8" N – 4°03'39.4" K Q7595030
LlanberisKembre Kembre 53°07'04.4" N – 4°07'30.5" K Q17744340
ErnesNormandi Normandi 49°01'09.5" N –0°07'40.9" K Q3583476
Neuville-près-SéesNormandi Normandi 48°39'27.7" N – 0°15'02.6" K Q3583477

Liammoù diavaez[kemmañ | kemmañ ar vammenn]

Pennad kar[kemmañ | kemmañ ar vammenn]