Oksana Shachko
.jpg)
| Reizh pe jener | plac'h  |
|---|---|
| Bro ar geodedouriezh | Ukraina |
| Anv e yezh-vamm an den | Оксана Василівна Шачко |
| Anv-bihan | Oksana |
| Anv-familh | Shachko |
| Deiziad ganedigezh | 31 Gen 1987 |
| Lec'h ganedigezh | Khmelnytskyi |
| Deiziad ar marv | 23 Gou 2018 |
| Lec'h ar marv | Montrouge |
| Doare mervel | Emlazh |
| Abeg ar marv | krougañ |
| Micher | women's rights activist, livour |
| Tachenn labour | livouriezh, Gwregelouriezh |
| Bet war ar studi e | Taras Shevchenko National University of Kyiv |
| Lec'h annez | Pariz |
| Deroù ar prantad labour | 2008 |
| Dibenn ar prantad labour | 23 Gou 2018 |
| Relijion | dizoueegezh |
| Ezel eus | FEMEN |
| Tachenn | Byzantine icon painting |
| Darvoud-alc'hwez | funeral |
| Statud e wirioù aozer | Oberennoù dezhe gwirioù aozer |
Oksana Shachko (ukraineg: Оксана Шачко), ganet d'an 31 a viz Genver 1987 e Khmelnytskyi (URSS, RSS Ukraina) ha marvet d'an 23 a viz Gouhere 2018 e Pariz[1],[2], a oa un arzourez ha benelourez eus Ukraina. Bet e oa unan eus krouerezed al luskad benelour FEMEN e miz Ebrel 2008.
Gant sikour Anna Hutsol hag Alexandra Shevchenko e oa bet krouet an aozadur. Shachko a voe ganet e Khmelnytskyi hag he devoa bevet e Kiev. Gant al luskad FEMEN e oa bet stourmet da gentañ a-enep ar c'hudennoù evit ar studierezed, met buan e oa bet ledanaet ar stourm evit lakaat war-wel korvoerezh reizhel maouezed Ukraina dreist-holl an douristelezh reizhel. Da gentañ e oa bet brudet ar Femened o vanifestiñ gwisket gant o dilhad-dindan nemetken. E miz Eost 2009 e oa bet diskouezet he divvronn gant Shachko e-pad ur vanifestadeg e Kiev. Adalek ar mare-se e oa bet izili ar FEMEN o vanifestiñ topless, hag o emledañ eus ur stourm en Ukraina etrezek ar bed-holl.
Shachko he devoa labouret gant ar skrivagnerez c'hall Galia Ackerman evit sevel un istor eus ar FEMEN a voe embannet gant Calmann-Lévy e 2013. E 2014 e oa embannet an teulfilm "Je suis Femen" (me zo ur Femen), un teulfilm emdroet war Oksana Shachko eo ha filmet gant Alain Margot. Roet e oa bet dezhi ar gwir da chom e Bro-C'hall gant ar statud repuad politikel e 2013. Bevañ a rae e Pariz evel livourez hep kemer perzh en aozadur Femen abaoe.
Notennoù ha daveoù[kemmañ | kemmañ ar vammenn]
- ↑ (en) « One of FEMEN's Co-Founders Commits Suicide in Paris », Sputnik, 24 Gouere 2018.
- ↑ (fr) « La cofondatrice des Femen, Oksana Chatchko, s’est suicidée à Paris », Le Monde, 24 Gouere 2018.