Oberiadur-brezel Cedar Falls
| Rann eus | Brezel Vietnam  |
|---|---|
| Stad | Viêt Nam |
| Lec'h | Củ Chi |
| Deiziad kregiñ | 8 Gen 1967 |
| Deiziad echuiñ | 26 Gen 1967 |
| Perzhiad | Stadoù-Unanet |
Oberiadur-brezel Cedar Falls a zo bet un oberiadur-brezel e-pad brezel Vietnam kaset da benn evit an darn gant lu Amerika harpet gant lu Republik Su Vietnam (ARVN).
Pal an oberiadur-brezel a oa un oberiadur Search and Destroy ramzel evit naetaat groñs an "Tric'horn Houarn" ul lec'h nepell diouzh Saigon kêr-benn Republik Su Vietnam ha distrujañ hentoù riboul Củ Chi. Al lec'h-se a oa deuet da vezañ lec'h diaz Talbenn broadel dieubidigezh evit Su Vietnam (Viet Cong).
An oberiadur a badas d'an 8 etrezek an 28 a viz genver bloavezh 1967. Bet eo bet an oberiadur-brezel brashañ war zouar a-berzh al lu Amerikan e-pad brezel Vietnam. Oberiadur-brezel Cedar Falls a welas 30 000 soudarded amerikan ha su vietnamiz o kemer perzh: daou lu, daou brigadenn (unan troadegiezh, unan harzlammerien), ur rejimant kirri hobregonet.
Ar Viet cong e-tal da gement a nerzh marvus a choazas klask terc'hout etrezek harzoù Kambodia pe dre kuzhañ en hentoù riboul Củ Chi reoù don ha ledan. An Amerikaned a teuio a-benn da zistrujañ ul lod d'eus an hentoù riboul gant dafar brezel ar Viet Cong enno. Evit don a-benn da vont gant un distruj aozet sklaer e voe implijet razhed an hentoù riboul pe "tunnel rats", soudarded a ment bihan gourdonet aratoz kaer da vont etrezek an hentoù dindan zouar.
Evit trec'hiñ dindan un doare padus ha naetaat an Tric'horn Houarn e vo harluet an holl siviled o vevañ war an dachenn da vont etrezek kêriadennigoù buhez nevez pe "New Life Villages", distrujet e vo an holl kêriadennigoù ur wech goulonderet anezho hag evit echuiñ e vezo stlapet produiñ kimiek war ar janglenn hag ar parkeier evel ar c'hontammer Orañjez.
Darn ar pennoù bras ofiserien a uhel renk anezho karget gant aozadur an oberiadur-brezel Cedar Falls hag e lakaat da dalvezout a soñjo dezho e vezo un trec'h anat. Darn ar gazetennerien hag an istorourien brezel a soñj dindan un doare disheñvel. Evito an oberiadur-brezel Cedar Falls n'eo ket deuet a-benn da naetaat an Tric'horn Houarn rak distreiñ a reio buan ar Viet Cong. Ouzhpenn da se an harlu bras ha rediet d'ar siviled vietnamiz o vevañ war an dachenn ha distruj o kêriadennoù a save ur gudenn skiant ar mat hag a laka bresk strivoù an Amerikaned da c'hounit "Kalonoù ha speredoù" ar Vietnamiz. Un darn anezho a lammo war zu ar Viet Cong goude oberiadur-brezel Cedar Falls.