Nereüs

Herakles ha Nereüs. lestr atikat, Mirdi al Louvre.

Delwenn da Nereüs. Mirdi Carmona (proviñs Sevilla, Spagn).

Nereüs (henc'hresianeg : Νηρεύς) zo un doue kozh eus ar re goshañ e gwengelouriezh Hellaz. Den kozh ar mor a vez graet anezhañ ivez.

E anv

E henc'hresianeg e oa Νηρεύς, Nêreús, eus ar ger νέειν, néein, « neuial ».

Mojenn

Pontos (al lanv) e oa e dad, ha Gaia (an douar) e vamm. Gwaz an Okeanidenn Doris e oa ha tad da ouzhpenn 50 Nereidenn. O chom emañ e goueled mor Egea. Hervez Hesiodos e oa ganet eus e dad, hep mamm. Gant Pindaros eo bet kanet e justis vadelezhus. Un doue fur ha diouganer eo. Kemer a ra ivez ar stumm a gar.

Levrlennadur

• Hesiodos, Theogonia, 233.
• Homeros, Odysseia
• Hyginus, Fabulae, 8
• Ovidius, Metamorfozoù, I, 185
• Vergilius, Georgica, IV, 392

Pennadoù kar

• Tethys
• Nereidezed