Montchamp (Calvados)

Montchamp
An iliz.
Melestradurezh
Stad	Frañs
Rannvro	Normandi
Departamant	Calvados
Arondisamant	Vire
Kanton	Condé-sur-Noireau
Kod kumun	14442
Kod post	14350
Maer Amzer gefridi	Gilles Faucon 2014-2015
Etrekumuniezh	Communauté de communes du canton de Vassy
Poblañsouriezh
Poblañs	ann. (2018)
Douaroniezh
Daveennoù lec'hiañ	48° 55′ 16″ Norzh 0° 45′ 58″ Kornôg 48° 55′ 16″ Norzh 0° 45′ 58″ Kornôg
Uhelderioù	bihanañ 154 m — brasañ 260 m
Gorread	16,2 km²
Lec'hiadur
Montchamp

Montchamp a oa ur gêriadenn hag ur gumun eus departamant Calvados e Bro-C'hall.

Bodet e oa gant 13 kumun all d'ar 1añ a viz Genver 2016 d'ober ur gumun nevez: Valdallière.

Gerdarzh

• Moschans e 1202, Muscamps e 1234, Monchamps e 1630 ; akord eo al lec'hanvadurourion a-zivout talvoudegezh eil lodenn an anv : "champ", "parc", e galleg, met disemglev a sav evit dielfennañ al lodenn gentañ : un anv-den latin Molius hervez Albert Dauzat ha Charles Rostaing ha René Lepelley d'o heul met un anv-den germanek hervez Ernest Nègre.

Istor

XVIII^vet kantved

• E 1778 e c'houlennas Charles-François Marie, aotrou Percy, digant eskob Bayeux ma voe krouet parrez Saint-Charles diwar ur c'hard eus parrez Montchamp, pezh a voe graet. Ar roue a roas dezhañ an aotre da lakaat sevel un iliz ha da grouiñ ur vered e-tal e gastell.

Dispac'h Gall

• E-pad ar Goñvañsion e voe kemmet anv ar gumun, anvet e voe Montchamp-le-Grand evit gober an diforc'h gant Montchamp-le-Petit, an anv nevez bet roet da Saint-Charles-de-Percy.

XIX^vet kantved

• 1856 : ar gumun a voe anvet Montchamp en-dro, miret he deus an anv-mañ betek bremañ.

XX^vet kantved

Eil Brezel-bed :

• Rezistañs : d'an 13 a viz Eost 1941 e voe harzet pevar gwaz d'an Alamaned : Marcel Oblin, Camille Lamoureux, Marcel Lamoureux ha Roger Bouillon ; tud all, Henri Schuh en o mesk, a voe harzet e miz Mae 1944 goude bout bet flatret en un afer harz-lammadeg ; roet e voe ar Groaz-brezel 1939-1945 d'ar gumun e 1963,
• Oberadenn Bluecoat : dieubet e voe Montchamp gant ar 1st Battalion Welsh Guards eus an 11vet British Armoured Division d'ar 4 a viz Eost,
• Tud nann-soudard marvet abalamour d'ar brezel e 1944-1945 : c'hwezek den nann-soudard a varvas e Montchamp abalamour d'ar brezel, pevarzek anezhe e-pad Emgann Normandi (tri e miz Even, tri e miz Gouere hag eizh e miz Eost) ha daou e 1945 ; ur vombezadeg a lazhas daou zen kozh d'ar 15 a viz Even 1944, d'an 8 a viz Gouere e voe lazhet daou zen all gant ur vombezadeg-mindrailhadeg, abalamour d'ur vombezadeg e varvas pevar all d'ar 4 a viz Eost hag ur plac'hig pevar bloaz e dibenn miz Eost ; mervel a reas ur paotrig eizh vloaz e miz Gouere 1944 ; ur gwaz pevarzek vloaz ha tri-ugent a voe fuzuilhet gant an Alamaned d'ar 4 a viz Eost 1944 ; daou zen a voe lazhet pa darzhas ur vinenn e miz Gouere 1945.

Monumantoù ha traoù heverk

• Iliz katolik Sant Varzhin, XVI^vet-XIX^vet kantved gant bezioù enni gant taolennoù rummet enni .

Eilbrezel-bed

• Plakenn Welsh Guards da soudarded ar 1st Battalion Welsh Guards, bet dieubet ar vourc'h gante d'ar 4 a viz Eost 1944.
• Peulvanig 60vet deiz-ha-bloaz an Dilestradeg (1944-2004).
• Monumant Muntridi an Naziouriezh en Arondisamant Vire, 1953.
• Monumant ar jeneral de Gaulle, deuet d'al lidadenn e 1953.

Emdroadur ar boblañs 1962-2010

Melestradurezh

Roll maered ar gumun
Mare		Anv	Strollad	Karg
Meurzh 2001	Kerzu 2015	Gilles Faucon	digostezenn	Kelennour
?	Meurzh 2001	Robert Morel
N'eo ket anavezet c'hoazh an holl fedoù.

Tud

Izili eus ar Rezistañs

• Henri Schuh, harzet ha jahinet, bet en ur c'hamp-bac'h, marvet e 1946,
• Marcel Oblin, sekretour maerdi ha skolaer,
• Louise Oblin, e wreg.

Gevelliñ

• Trois-Ponts ( Belgia) abaoe 2008 .