Meurzh (deiz)
Ar Meurzh eo an deiz etre ar Lun hag ar Merc'her. Hervez ar reizhiad a laka ar sizhun da gregiñ gant al Lun, ha homañ eo ar reizhiad erbedet gant ISO 8601, ez eo eta an eil devezh eus ar sizhun. Gant ar reizhiad a laka ar sizhun da gregiñ gant ar Sul, hengounel e meur a vro eus kornaoueg Europa, hag a-orin yuzev-kristen, pe er broioù arabek, ez eo an trede devezh.
Roet eo bet an anv diwar hini Meurzh, doue ar brezel gant ar Romaned. Anv ar blanedenn Meurzh eo ivez.
Roet en eus ivez e brezhoneg an adverb-amzer dimeurzh.
An anv-se a zo tennet diwar hini ar blanedenn,nemetken, ha neket diwar hini an doue.
Ar Meurzh er relijionoù hag ar c'hredennoù
[kemmañ | kemmañ ar vammenn]Sin fall e oa gwechall, pa groge miz Meurzh d'ur Meurzh, pa zegouezhe ar c'hentañ a viz Meurzh d'ur Meurzh. Hervez ar c'hrennlavar:
- Meurzh da Veurzh, chas klañv ha naered drouk. Meurzh da Veurzh a zo da gompren: pa zegouezh miz Meurzh d'ur Meurzh...
Meurlarjez, Meurzh al larjez
[kemmañ | kemmañ ar vammenn]Meurlarjez, ur gouel graet d'ur Meurzh, daou-ugent devezh a-raok Pask, er broioù katolik.
| Deizioù ar sizhun |
| Lun – Meurzh – Merc'her – Yaou – Gwener – Sadorn – Sul |
