Mari Kermareg

Eus Wikipedia
Sauter à la navigation Sauter à la recherche

Mari Kermareg (pe Marie Kermarec, ganet e 1940, marvet d'ar 6 a viz Du 2019 [1]) a oa un animatourez radio, ur broduourez skinwel, ur sevenerez filmoù hag ur renerez magazin.

Buhez[kemmañ | kemmañ ar vammenn]

Gwreg e oa da René Abjean.

Skolaerez eo bet e-pad tri bloaz e Plougerne. Dont a reas da vezañ ezel eus laz-kanañ Kenvroiz Dom Mikael Plougerne d'ar mare-se.

E 1971 e c'houlennas Charlez ha Chanig ar Gall ganti dont ganto d'ober war-dro abadennoù brezhonek Radio-Arvorig. Kinnig a reas goude Breiz o veva, kentañ magazin skinwel e brezhoneg. Produktourez eo bet en FR3 hag ar c'hentañ maouez o seveniñ abadennoù.

Kemeret he deus perzh er strollad c'hoariva Teatr Penn ar Bed, o lenn barzhonegoù peurgetket.

E penn strollad skridaozañ Brud Nevez e oa bet adalek 2002.

Resevet he deus Kolier an Erminig e 2004.

Mammenn[kemmañ | kemmañ ar vammenn]

Notennoù ha daveennoù[kemmañ | kemmañ ar vammenn]