Maol
|
Ur bajenn disheñvelout eo homañ, da lavarout eo ur roll pennadoù hag a zo damheñvel o anv. Bremañ e c'hallit dibab ennañ ar pennad emaoc'h o klask. Mard oc'h bet degaset amañ dre ul liamm diabarzh en ur pennad e c'hallit kemmañ al liamm evit m'ho kaso war-eeun d'ar bajenn emaoc'h o klask. |
En anvioù-lec'h er broioù gouezelek, maol e gouezeleg pe mull e saozneg Bro-Skos a dalv moal, da lavaret eo hep gwez pa gomzer eus ur menez pe ur penn-tir, pe "noazh" pa gomzer eus ur c'hastel en e boull da skouer.
Maol zo un anv-den ivez.
Brezhoneg ha kembraeg
[kemmañ | kemmañ ar vammenn]Kar eo ar ger gouezelek d'ar gerioù moel e kembraeg, ha moal e brezhoneg . E Kembre e vez graet moel eus menezioù hep gwez. E brezhoneg eo anavezet ar ger e Molenez ha lec'hioù all.
Stank eo ar ger e douaroniezh Bro-Skos. Talvezout a ra neuze kement ha beg-douar uhel ha noazh , tost evel ur menez, pa vez gwelet a bell.
E gouezeleg Bro-Skos eo implijet kalz ar ger evit komz eus begoù-douar pe pennoù-tir "noazh", hep gwez.
Pennoù-tir
[kemmañ | kemmañ ar vammenn]- Maol Chinn Tìre, pe Mull of Kintyre, penn kreisteisañ ledenez Chinn Tìre
- Maol nan Gall, pe "Mull of Galloway", penn kreizteisañ ledenez "Rhins of Galloway"
- An Obha, pe "Mull of Oa", pe The Oa, ur beg-douar en Ìle
- Mull of Cara, ur beg-douar e kreisteiz Enez Cara
- Mull Head, ur beg-douar en inizi Orc'h
Lec'hioù all
[kemmañ | kemmañ ar vammenn]- Isle of Mull, unan eus Inizi Gall, disheñvel orin hec'h anv evit doare, rak Muile eo hec'h anv gouezelek.
- Caisteal Maol ("Kastell Moal") e kêriadenn Caol Àcainn, war Enez Sgitheanach (Skye), ur c'hastel en e boull.
- Cronk Meayll pe "Meayll Hill" pe "Mull Hill", ur dorgenn e kêriadenn Creneash.
En Iwerzhon e talvez ar ger mull kement ha menez. Mullach and mullagh a zo stummoù all. Mennegomp :
- Creachmhaoil (creach + maol), (Craughwell e saozneg), ur gêr e kontelezh Gaillimh.
- An Mullach Mór (ar menez meur), (Mullaghmore e saozneg), anv meur a lec'h
- Mullaghaneany
- Mullaghcloga
- Mullach Cairn (Mullaghcarn e saozneg), ur menez er menezioù na Speiríní e Norzhiwerzhon
Anv-den
[kemmañ | kemmañ ar vammenn]Maol a oa un anv-badez gouezelek roet d'ar Grennamzer en Iwerzhon ha Bro-Skos. Meur a Vaol a zo bet mormaer (kont) Lennox (pe Leamhnachd), e kornôg Bro-Skos : Maol Domhnaich, Maol Choluim I, Maol Choluim II.
"Mel" zo ur berranv eus Maol, da skouer an aktour Mel Gibson.