Lise Sant-Varzhin Roazhon

Lise Sant-Varzhin Roazhon

lycée

Deiziad krouiñ	1669
Anvet diwar	Martinus Teurgn
Stad	Frañs
E tiriad	Roazhon
Lec'hiadur	Q3413036
Daveennoù douaroniel	48°7′0″N 1°40′44″W
Sez sokial	Roazhon
Lec'hienn ofisiel	http://www.lycee-stmartin-rennes.org/

Ul lise prevez katolik eo lise Sant-Varzhin Roazhon, anezhañ ul lise hollek ha teknologel. Lec'hiet eo en 31 eus straed Entraven, e kreiz-kêr Roazhon. Anvet eo evel-se en enor da Sant Varzhin Teurgn, hag e-tro 1 400 lisead zo skoliataet ennañ.

Istor

Liammet eo istor al lise ouzh hini an Eudisted e Roazhon. Lidet eo bet e 350vet deiz-ha-bloaz e 2019.

Menegoù kentañ al lec'h a sav da 1669, 14 vloaz goude ma voe peursavet ti Breujoù Breizh.

Brezhoneg

Lise Sant-Varzhin a grogas da gelenn brezhoneg e 1971 asambles gant liseoù all eus Roazhon, evel lise ar C'horroidigezh, hini Sant-Visant hag hini Sant-Stefan, diwar atiz tadoù brogagour ha kar-o-yezh evel an Tad Kalvar. Paol Kalvez a gelennas ar yezh e Sant-Varzhin da gentañ adalek 1971 ha Kristian Giraudon a sammas ar garg d'e heul.

E-pad pell e voe lidet un oferenn vrezhonek bep sizhun e chapel skolaj Sant-Varzhin er bloavezhioù 1970 betek e-tro 1990, pa zeuas ar veleien vrezhonek da vankout e kêr. Roazhon zo bet evel-se al lec'h nemetañ e Breizh ma veze lidet oferennoù brezhonek bep Sul.

Skolidi gozh

• Fulgence Bienvenüe
• Malo Bouëssel du Bourg
• Pêr Denez
• Youenn Olier

Kelennerien gozh

• Ernest ar Barzhig
• Kristian Giraudon (danvez : brezhoneg)
• Paol Kalvez (danvez : brezhoneg)
• Tad Kalvar (danvez : fizik ha kimiezh)

Levrlennadur

• Paol Kalvez, Kambr ar Stered, Mouladurioù hor Yezh, 2007, pp. 206-216.