Lambezelleg

Lambezelleg a oa ur gumun eus Breizh e departamant Penn-ar-Bed. Bremañ ez eo ur c'harter eus Brest.

Istor

• Ur barrez eus eskopti Leon gwechall e oa Lambezelleg. Betek 1686 e oa ur barrez vras eus Lambezelleg: kêr Vrest a oa stag outi ha n'eo nemet er bloavezh-se e oa deuet Brest da vout ur barrez distag.

XVII^vet kantved

• Brasaet e oa bet Brest un tammig, diwar-goust Lambezelleg, e miz Genver 1636.
• Trev Treninez (Sant-Mark bremañ), a oa bet staget ouzh Lambezelleg e 1681.

Dispac'h Gall

• Da vare an Dispac'h e oa deuet parrez Lambezelleg da vezañ ur gumun.
• Dekred eus ar 26 a viz Du 1790 war al le diouzh ret: e penn-kentañ 1791 e voe graet al le ouzh ar Roue, ar vro hag al lezennoù gant daou gure, Jean-François Le Gall ha Pierre Le Roux, hag ur beleg, Jacques Le Gall; nac'het e voe gant ar person, Henri Mocaer e anv.

XIX^vet kantved

• Sant-Mark, a yeas da gumun distag e 1823 ha brasaet e oa bet zoken e 1865. E 1861 e oa bet kresket Brest un tamm diwar-goust Lambezelleg (karter Sant-Varzhin).

XX^vet kantved

• Ur gumun distag e oa Lambezelleg betek 1945. Goude an Eil Brezel-bed, e 1945, e oa bet bodet kumunioù Lambezelleg, Sant-Mark, Kerbêr ha Brest da vont d'ober ur gumun vras anvet Brest.

Monumantoù ha traoù heverk

• 
  An iliz katolik.

• Iliz katolik Sant Laorañs, 1865.

• 

• Monumant ar re varv, luc’hskeudenn ha kartenn-bost. Dioueliet e voe e miz Genver 1938.

Tud

Tud bet marvet eno

• 1956 : Jean-Louis Chapalain, troour brezhonek.

Ardamezeg ar familhoù

	Bohier, aotrounez Kerboyer	En aour e leon en glazur

Levrlennadur

• Pol Potier de Courcy : Nobiliaire et armorial de Bretagne. Adembannadur Editions des Régionalismes. Cressé. 2011/2014