Kaozeal:Korn (disheñvelout)

O vont da labourat amañ e oan adarre met pa welan petra zo bet graet d'ar bajenn... peadra da zigalonekaat. Bianchi-Bihan 22 Ebr 2007 da 17:25 (UTC)[respont]

Setu ma labour: echu ganin, n'hallan ket c'hoari evel-se:

Ur bajenn disheñvelout eo homañ, da lavarout eo ur roll pennadoù hag a zo damheñvel o anv. Bremañ e c'hallit dibab ennañ ar pennad emaoc'h o klask. Mard oc'h bet degaset amañ dre ul liamm diabarzh en ur pennad e c'hallit kemmañ al liamm evit m'ho kaso war-eeun d'ar bajenn emaoc'h o klask.

Korn (kerniel, kern, kornioù el liester) zo ur ger, gourel, a c'hell bezañ :

e skiant ar gorfadurezh, ur greskenn, kalet ha begek, a deu a-vihanik war bennoù loened zo, bronneged pe amprevaned; daou gorn heñvel a vez peurvuiañ a bep tu d'ar penn gant ar bronneged. Sellout ouzh korn (loened);
- kornioù-talmeta pe kornioù-tastorn a vez graet ouzh an traoù damheñvel a weler war bennoù an amprevaned

binvioù heñvel pe damheñvel o stumm ouzh korn ur vuoc'h,
- ar c'horn-boud, a ra ur son boud
- ar c'horn-bual, a zo damheñvel
- ar c'horn-butun, a dalv da vutunat,
- ar c'horn-evañ, da evañ
- ur c'horn-galv, pe kloc'h-galv a vez sonet pa vez ret diwall (ouzh an tan, lakaomp)
- ar c'horn-hemolc'h pe an trompilh-hemolc'h
- ar c'horn-liv, a veze lakaet ennañ liv da skrivañ
- ar c'horn-selaou, a veze gant tud ponnerglev
- ar c'horn-seniñ, ur benveg-seniñ dre c'hwezhañ, el lazioù-seniñ, sellout ouzh korn (benveg-seniñ),
  - kornadeg a vez pa vez meur a gorn o seniñ a-unan, kornadenn pa ne vez nemet unan;
  - ur c'hornour zo un den a son gant ar c'horn, pe ar c'horn-seniñ;
- ar c'horn-youc'hal, pe uhelgomzer
- korn ur c'harr-tan: kornial a vez graet gantañ;

ur stumm er ventoniezh, div vevenn dezhi, sellout ouzh korn (mentoniezh)
ul lec'h en ur sal, heñvel ouzh ar stumm-se: pevar c'horn a vez peurvuiañ en ur sal; kogn zo ur ger all heñvelster
- ur c'horn-bro, pe ur c'hornad, pe ur c'hornad-bro, ur c'hornad-douar,
- ar c'horn distro, unan eus anvioù ar staotlec'h
- ur c'horn-tro, pe tro-gorn, pe pleg-hent
  - korntroiañ zo mont dre ar c'horntroioù zo war an hent
un ti-korn zo un ti en ur c'horn (korn ur blasenn, lakaomp)

anvioù rannoù zo eus ar c'horf a zo savet gant ar ger korn:
- ar c'h-korn-jod
- ar c'hkorn-klun pe korn-lez
- an dent-korn, a zo e kornioù ar genoù

ur pesk mor eus ar c'herentiad Triglidae, sell ouzh korn (pesk); bez ez eus ivez pesked eus ar memes kerentiad dezho anvioù evel
- korn ruz,
- korn glas
- ha korn beg plat (kardinal).

ur strollad sonerezh neo-metal stadunanat, sellet ouzh KoЯn

e douaroniezh, korn Afrika, an anv a reer eus ar rannved ennañ Somalia, Ethiopia, Eritrea ha Djibouti.

Gerioù deveret

Ur c'horneg a zo un anv all roet d'un dogan;
Gwiskañ ar boned kornek zo bezañ dogan.
Ar wern-gorn, war ur vag
Digorniañ ur vuoc'h zo troc'hañ he c'herniel outi
Sellout a-gorn n'eo ket sellout eeun.

Gerioù kar

Horn, ar ger saoznek a gaver er C'hab Horn hag e meur a lec'h all er bed saoznek hag er bed alamanek.

bg:Хорн da:Horn de:Horn (Begriffsklärung) en:Horn eo:Korno es:Cuerno (desambiguación) fr:Corne hr:Rog (razdvojba) lt:Ragas (reikšmės) nl:Horn no:Horn sk:Horn Bianchi-Bihan 22 Ebr 2007 da 17:42 (UTC)[respont]