Kan bale Sant Albin

Eus Wikipedia
Sauter à la navigation Sauter à la recherche

Kan bale Sant Albin a zo ur ganaouenn gant ar strollad breton Daonet, eus Naoned, embannet er bladenn Donemat e 2012. Kaoz a zo eus emgann Sant-Albin-an-Hiliber, a c'hoarvezas d'an 28 a viz Gouere 1488 hag eus ar stourm er bloavezhioù 2000 gant Yann-Vleiz ar C'huff (Jean-Loup le Cuff) evit talañ ouzh ur lastezva raktreset war dachenn an emgann istorel [1].

Pozioù Kan Bale Sant Albin[kemmañ | kemmañ ar vammenn]

Emgann Sant-Albin-an-Hiliber gant Paul Lehugeur, 19vet kantved


D'an eizh warn-ugent a viz Gouere

Mil pevar c'hant eizh ha pevar-ugent

Tomm oa an amzer, an dour a rede

Sklaer ha fresk 'raok ar gejadenn

Alamanted, Kastilhaned

Saozon ivez g' ar Vretoned

Daouzek mil soudard kalonek

D'an emgann ouzh ar C'Hallaoued


Spouronus, skrijus e voe ar stourmad

Ul lazhadeg vras a voe an deiz-se

An douar, an dourioù ruz gant ar gwad

A zalc'ho soñj da virviken

Eus an holl vroioù kalz paotred

A chomas war an dachenn-argad

Marv 'vit un uhelvennad

Kentoc'h mervel eged em saotrañ


Pemp kant bloavezhiad dour o deus redet

Ha ne soñjer ket ken

Er baotred yaouank zo bet aberzhet

O tifenn an dugelezh

Ouzh ur roue lorc'hek

C'hoantek eus hon arc'hant

Diktatour digalon

Ha korvigellek


Pemp kant bloavezh zo tremenet

Met ar stourm zo chomet

Anvioù zo bet cheñchet

Met an doare n'eo ket bet

Tud Pariz a gendalc'h

Da nac'hañ Breizh a-bezh

Hon istor, hon eñvor,

Hor pobl hag hor yezh


Bremañ o-deus c'hoant da saotrañ

Ar re varv, ar soudarded

Peogwir ne zoujont ket

Zoujont ket da netra

Na d'o enebourien, na d'o re

Na da forzh petra

Den ebet nemet o gast kêrbenn

Hag o beli eta


Poent bras eo stourm gwir vretoned

Ouzh diktatourien eus Bro C'Hall

Eus pep korn a Vreizh

'mañ ar yaouankiz o sevel

N'eo ket echu istor ar vretoned

Frankiz ' vo a-nevez

Ar wezh-mañ ne vo skoilh ebet

Betek distro hon dizalc'h

Pennadoù karr[kemmañ | kemmañ ar vammenn]

Liammoù diavaez[kemmañ | kemmañ ar vammenn]

Notennoù ha daveennoù[kemmañ | kemmañ ar vammenn]

  1. http://daonet.blogspot.fr/2012/01/kan-bale-sant-albin-paroles-et-extrait.html.