Joseph Ollivier

Eus Wikipedia
Sauter à la navigation Sauter à la recherche

Ur surjian-dentour hag ur c'heltiegour e oa Joseph Ollivier, ganet e Benac'h d'ar 27 a viz Here 1878[1] ha marvet e Landerne d'an 13 a viz Eost 1946.

Embann a reas ur c'hatalog kanaouennoù war follennoù-nij e anv Catalogue bibliographique de la chanson populaire bretonne sur feuilles volantes e ti Le Goaziou, e Kemper, e 1942 (raklavar gant Pêr ar Rouz ha digoradur gant Charles Chassé).

Embann a reas un dibab eus barzhonegoù brezhonek Fañch an Uhel en ul levr anvet Ma C'horn-Bro e 1943. E dibenn al levr-se ez eus ur roll eus an holl varzhonegoù brezhonek eus ar barzh, ur 120 bennak zo anezho.

Sevel a reas war-dro 1930 ur renabl eus dornskridoù Fañch an Uhel miret dindan an teskanv Ms. 963 e Levraoueg-Kêr Roazhon, a voe embannet dindan gant titl Les contes de Luzel e ti Hor Yezh e 1995, ISBN 2-910699-11-0 (raklavar gant Pêr Denez).

Daveenn[kemmañ | kemmañ ar vammenn]

  1. [1] Akt ganedigezh, dielldi Aodoù-an-Arvor