Jean Malo-Renault

Eus Wikipedia
Sauter à la navigation Sauter à la recherche
Jean Malo-Renault war-dro 1985

Jean Malo-Renault (Pariz, 9 a viz Mezheven 1900Roazhon, 9 a viz Eost 1988) a oa ul levraouaer hag un imbourc'her breizhat, mab an arzour, engraver, pastelenner ha skeudennaouer Malo-Renault (Émile Auguste Renault, 1870-1938) hag e wreg an arzourez Honorine Tian (1871-1953), lesanvet « Nori Malo-Renault » ; anavezet eo an engravadur graet gant Emile Auguste evit ar gelaouenn Le Fureteur breton[1][2]. Sant-Maloù eo kavell an tiegezh.

Anavezet eo Jean Malo-Renault evit bezañ aozet ur mell levrlennadur istorel a-zivout Breizh goude bezañ dielfennet mammennoù moullet ha mareadek etre 1480 ha 1960. Savet en deus ur 150 000 fichenn bennak hag a zo miret e levraoueg kêr Roazhon. Gellout a reer o lenn war mikro-fichennoù abaoe 1988. « Fichennaoueg Malo-Renault » a reer eus an oberenn-se.

Resped[kemmañ | kemmañ ar vammenn]

  • 1924 : aotregezh istor er Sorbonne.
  • 1926 : diplom Skol al Louvre (gouestlet oa e zanevell studi da gizellerezh roman Breizh.
  • 1928 : levraoueger e skol-veur Tolosa ha goude e hini Montpelhièr.
  • 1935 : pennlevraoueger levraoueg Montpelhièr.
  • 1937-1954 : pennlevraoueger levraoueg kêr ha skol-veur Roazhon.
  • 1945 : krouiñ a reas ar Bulletin des Bibliothèques de Bretagne[3] evit diorren ar c'henlabour etre al levraouegoù.
  • 1955-1957 : karget a gefridi e Poitiers, Lemojez ha Tours.
  • 1957-1967 : karget a gefridi e Breizh.
  • 1958 : kregiñ a reas da labourat war e levrlennadur istorel.

Bodet en deus Jean Malo-Renault kalz skeudennoù evit sevel un dezenn diwar-benn adeiladouriezh relijiel Breizh. Dedennet eo bet gant dilhad hengounel hag arz pobl Breizh ha savet en deus meur a deuliad diwar o fenn.

E dalc'had Malo-Renault (niverennet 80 J 1 da 80 J 93) e Dielloù departamant an Il-ha-Gwilen emañ an danvez-se.

Kumun Roazhon he deus roet an anv Rue Jean Malo-Renault d'ur straed nepell ar park Hamelin Oberthür. [4]

Oberennoù[kemmañ | kemmañ ar vammenn]

Levrlennadur[kemmañ | kemmañ ar vammenn]

  • AVRIL, Jean-Loup: Mille Bretons – Dictionnaire Biographique, Les Portes du Large, décembre 2002, Deuxième édition : juin 2003 Première édition ISBN 2-914612-07-9, Deuxième édition ISBN 2-914612-10-9, 2007 (ISBN 978-2-914612-10-4)

Notennoù[kemmañ | kemmañ ar vammenn]

Le Fureteur Breton :http://bibliotheque.idbe-bzh.org/liste_theme.php?id=le-fureteur-breton-532&l=fr