Harper's Weekly
| Deiziad krouiñ | 1857  |
|---|---|
| Titl | Harper's Weekly |
| Diazezer | Fletcher Harper |
| Testenn ar ger-stur | A Journal of Civilization |
| Stad | Stadoù-Unanet |
| Ti-embann | HarperCollins |
| Lec'h embann | New York |
| Bro orin | Stadoù-Unanet |
| Yezh an oberenn pe an anv | saozneg SUA, saozneg |
| Deiziad embann | 19. century, 20. century |
| Deiziad divodañ | 13 Mae 1916 |
| Lec'hienn ofisiel | https://harpweek.com |
Harper's Weekly, A Journal of Civilization a oa ur gazetenn bolitikel stadunanat diazezet e New York. Embannet e oa gant Harper & Brothers etre 1857 ha 1916. Kavet e veze enni keleier eus ar vro hag an estrenvro, skridoù dudi, skridoù politikel pe prederiañ war sujedoù lies. Bez e oa ivez ul lodenn fent, hag ar skeudennoù a oa pouezus mat en identelezh ar gazetenn. Hollbouezus e oa bet ar gazetenn a-fed kelaouiñ e-pad Brezel diabarzh Stadoù-Unanet Amerika. Ar skeudennoù eus an darvoudoù brezel a zo chomet brudet mat hiziv-an-deiz c'hoazh. Pa oa ar gazetenn en he barr, e oa al lec'h ma embanne Thomas Nast e soñjoù politikel.
Istor
[kemmañ | kemmañ ar vammenn]Gant e vreudeur James, John, ha Wesley, Fletcher Harper a oa bet o sevel an ti-embann Harper & Brothers e 1825. O welet penaos e oa bet graet berzh bras gant an Illustrated London News, Harper en doa embannet an Harper's Magazine e 1850. Er gazetenn viziek e oa skrivagnerien brudet evel Charles Dickens ha William Makepeace Thackeray, oc'h embann skridoù lies e-pad meur a vloaz. Dre ma pade ar berzh e voe kroget d'he embann bep sizhun.
Skeudennoù
[kemmañ | kemmañ ar vammenn]-
Ludresadenn No compromise With the South (1864), gant Thomas Nast. Goulenn a rae an aozour ne vefe ket klasket ar peoc'h gant ar Gengevread e-pad ar brezel diabarzh stadunanat -
Tresadenn gant William Waud - Burning of McPhersonville 1865 - da ziskouez krizder Sherman e-pad bloavezh diwezhañ ar brezel diabarzh.
