Francesco d'Este (1516-1578)
Ur pennad Francesco d'Este zo ivez.Francesco d'Este (Ferrara, 1 a viz Du 1516 – Ferrara, 22 a viz C'hwevrer 1578) a oa mab da Alfonso Iañ d'Este, dug Ferrara, ha d'e eil pried Lucrezia Borgia, merc'h d'ar pab Alesant VI ha c'hoar da Cesare Borgia. Pempet mab an dug e oa, gant se ne c'halle ket ren.
E vuhez
[kemmañ | kemmañ ar vammenn]Savet e voe e Ferrara, ha pa oa tri bloaz e varvas e vamm en ur c'henel e c'hoar Isabella Maria d'Este.
Deskiñ a reas micher an armoù hervez ar c'hiz d'ar vibien na oant ket da ren. Ur pennad e vevas e Bro-C'hall pa voe pedet gant e vreur Ercole II d'Este, a renas goude o zad, da reiñ skoazell da Karl V an Impalaeriezh Santel e Lombardia e miz Mae 1536, evel kabiten a varc'hegiezh.
E 1541 e kemeras perzh e brezelekadenn Aljer.
Bugale
[kemmañ | kemmañ ar vammenn]Div verc'h en doe met tra ne ouzer eus o mamm pe mammoù:[1]
- Marfisa (1554 war-dro-16 Eost 1608),
- dimezet e 1578 d'he c'henderv Alfonsino d'Este, hag intañvezet a-benn un toullad mizioù
- addimezet e 1580 da Alderano Cybo-Malaspina, markiz Massa ha Carrara
- Bradamante (1559-1624), dimezet d'ar c'hont Ercole Bevilacqua.
Notennoù
[kemmañ | kemmañ ar vammenn]- ↑ Tabanelli, p. 225