Emgann Badajoz (1812)

Eus Wikipedia
Sauter à la navigation Sauter à la recherche

Seziz Badajoz, gant Richard C. Woodville Jr (1908)
Kartenn Emgann Badajoz

E Seziz Badajoz, (16 a viz Meurzh - 6 a viz Ebrel 1812), lesanvet Trede Seziz Badajoz, ul lu portugalat-saoz renet gant Arthur Wellesley, kont Wellington (a zeuas da vezañ Field Marshal Duke of Wellington), a lakaas seziz war kêr Vajadoz e Spagn hag a redias ar gwarnizon gall da godianañ goude un emgann taer ha gwadus.

Ar seziz a oa bet unan eus ar re washañ e Brezelioù Napoleon. Gwelet eo evel un trec'h koustus evit Bro-Saoz : 4 800 soudard kevredet lazhet pe c'hloazet e-doug un nebeud eurvezhioù emgann taer pa oa bet aloubet mogerioù-difenn kêr e fin an emgann. Troet da sot gant an niver uhel a soudarded c'hloazet pe lazhet, ar soudarded trec'h a oa krog da breizhañ an tiez, dreist-holl ar stalioù alkool enno. Dre ma oa kalz alkool e oant mezviet hag enebet ouzh o ofisierien (lod a voe lazhet ganto) hag e krogjont da lazhadegañ annezidi kêr. E-tro 4 000 maouez a oa bet gwallet ha lazhet. Meur a zevezh a voe ezhomm evit ma paouezfe al lazhadeg bras-spontus-se.