Diorren padus

Eus Wikipedia
Sauter à la navigation Sauter à la recherche

An diorren padus zo un doare da welout an diorren en ur soñjal er rummadoù da zonet, da lavaret eo ez eo arabat dispign an natur pe barregezhioù a denn d’an natur.
Ar pal pennañ eo bezañ gouest da gaout trawalc’h a zanvez evit ma c’hellfe ar rummadoù da zont kaout peadra da vevañ, ha pa vefe e-keñver ar boued, o soñjal en douar na rank ket bezañ rivinet, pe o soñjal er c’hoadoù, da skouer, o tifenn anezho rak youl an dud da gemer ar prenn.

Doareoù fetis d'en ober[kemmañ | kemmañ ar vammenn]

Rodoù-avel
Rodoù-avel e Sprogø, Danmark

Ar rodoù-avel zo graet, evit ma ne vefe ket implijet dour-tan pe an energiezh nukleel a-benn kaout tredan.
Implijet e vez nerzh an avel ganto evit krouiñ tredan. Da lâret eo e vez saotradur en o gweled, met ne vez ket saotret an aer ganto.

Milinoù-avel

Abaoe pell ez eo bet implijet nerzh an avel gant mab den, evit ar bigi dre lien kement hag evit ar milinoù. Digoust, aes da lakaat e pleustr, setu perak eo bet implijet e-pad ken pell ma'z eo diaes da lec’hiañ en amze, peur eo bet implijet er penn-kentañ

A-holl-viskoazh ez eus bet klasket gant mab den gounit amzer hag implijout nerzh an dud en doare gwellañ. Setu perak ez eus bet savet doareoù milinoù disheñvel a-hed an amzer.
An holl dud a glaske implijout ar pezh a oa an aesañ evito : evit ar re a veve war ar maezioù e oa kalz aesoc’h implij un azen, pe ur marc’h, eget un den. Kuzhet e oveze a daoulagad an aneval ha lakaet anezhañ da gerzhout, gant ur gordenn tro-dro d'e c'houzoug. Evel-se e vezent implijet evit malañ an ed.

Reoù all a implije an avel po deveze tu d’en ober. Lakaet e veze koad da dreiñ, stag ouzh un tour anvet "tour ar vilin". Pa droe ar rod e-troe ar mall war ar memes tro

Ar re dost d’ar stêrioù, pe d'ar mor a-wechoù, a implije kas an dour evit en ober.

E Bro-Roazhon : eko-karter ar C’hourrouz[kemmañ | kemmañ ar vammenn]

E Su Roazhon emeur o sevel karter nevez ar C'hourrouz [1]. Nevez-krouet eo war kumunioù Roazhon ha Sant-Jakez-al-Lann. Er bloavezhioù 2000 e voe boulc'het ar raktres-se, met er bloaz 2028 e vo peurechu al labourioù. Pa vo bet echuet e vo 10 000 annezad o vevañ er c’harter-se.

Savet eo bet ar raktres en ur soñjal en diorren padus. Ar pal kentañ e oa derc’hel glas an natur en ur c’harter nevez. Klasket ez eus bet lakaat bleunioù ha gwez, o soñjal ne vefe ket ezhomm kempenn anezho : an natur gouez. Dalc’het ez eus bet ivez plant ar vro, hag ar stank a oa eno.
Ur gorread 115 hektar a zo bet implijet evit ar c’harter nevez, da lavaret eo ez eo ken bras hag ur gêriadenn vihan ! Met daoust ha ma vefe bet krouet o soñjal en natur, ez eus bet staliet peadra evit ma vefe laouen an dud o vevan eno : skolioù, stalioù a bep seurt, pretioù, hag ar metro zoken.

Ekokarterioù a reer eus seurt raktresoù. Ur respont int da ec'honder ar c’hêrioù bras ha d’ar saotradur a vez pa vez re stank an niver a diez.

Ur raktres e Bro-Oueloù : an dourdredanva e Pempoull[kemmañ | kemmañ ar vammenn]

E Bro-Oueloù, etre Pempoull hag Enez Vriad, ez eus bet staliet ereadurioù tredan dindan ar mor !

E miz Ebrel 2019 e voe klasket gant ar Saozon staliañ un dourdredanva, da lavaret eo milinoù danvor da broduiñ tredan : ur rod hag a dro a-drugarez da gas ar mor hepken ! Digoust, peurbadel pe dost, dav e oa klask gouzout ha tu a oa d'en ober.

Notennoù[kemmañ | kemmañ ar vammenn]