Pempoull

Pempoull
Kumun eus Breizh
Gwel hollek adal tour Kerroc'h e Plaeraneg.
Anv gallek (ofisiel)	Paimpol
Bro istorel	Bro Sant-Brieg – Goueloù
Melestradurezh
Departamant	Aodoù-an-Arvor
Arondisamant	Sant-Brieg
Kanton	Pempoull (pennlec’h)
Kod kumun	22162
Kod post	22500
Maer Amzer gefridi	Jean-Yves de Chaisemartin 2014-2020
Etrekumuniezh	Gwengamp-Pempoull Arvor-Argoad Tolpad-kêrioù
Bro velestradurel	Bro Treger ha Goueloù
Lec'hienn web	Lec'hienn an ti-kêr
Poblañsouriezh
Poblañs	7 199 ann. (2014)
Stankter	305 ann./km²
Douaroniezh
Daveennoù lec'hiañ	48° 46′ 43″ Norzh 3° 02′ 43″ Kornôg 48° 46′ 43″ Norzh 3° 02′ 43″ Kornôg
Uhelderioù	kreiz-kêr : 50 m bihanañ 0 m — brasañ 86 m
Gorread	23,61 km²
Pempoull

Pempoull (distaget: [pɛmˈpul]) a zo ur gumun eus departamant Aodoù-an-Arvor, e Bro-Oueloù e Breizh. Ur porzh bihan eo met bras eo bet e bouez e penn kentañ an XX^vet kantved pa'z ae listri da vorueta da vro Island. Pennlec’h Kanton Pempoull eo.

Ardamezioù

"en glazur, e lestr en argant, gwisket ha sparraouezet en argant" Hervez Régis de Saint-Jouan, ha Froger ha Pressensé, eo en aour emañ al lestr) war gwagennoù en argant

Brezhoneg

Ar Brezoneg er Skol

• 1934-1936: ar c'huzul-kêr a savas a-du gant ar mennad skignet gant al luskad Ar Brezoneg er Skol (ABES) evit kelennadurezh ar brezhoneg er skol .

Ya d'ar brezhoneg

• D’an 29 a viz Gwengolo 2008 e oa bet votet ar garta Ya d'ar brezhoneg gant kuzul-kêr ar gumun.

Deskadurezh

• Klasoù divyezhek a zo eno abaoe 1984.
• Ur skol Diwan zo ivez.
• E distro-skol 2016 e oa enskrivet er skol Diwan hag er c'hlasoù divyezhek 34 skoliad (6,9 % eus skolidi ar gumun evit a sell ouzh ar c'hentañ derez).

Istor

XX^vet kantved

Brezel-bed kentañ

• 72 gwaz a gollas o buhez abalamour d'ar brezel hervez monumant ar re varv, d.le. 2,51 % ag ar boblañs hervez an niveradeg bet graet e 1911 .

Eil Brezel-bed

• D'ar 14 a viz Gouere 1940 e kouezhas ur c'harr-nij Ju 88 A eus an aerlu alaman (Luftwaffe) e Pempoull ; e nijour a voe lazhet ha douaret e Plouzeniel,
• Dieubet e voe Pempoull d'ar 17 a viz Eost 1944 e-tro 9 eur beure gant ar 15th Cavalry Regiment eus an Task Force A eus lu ar Stadoù-Unanet.
• Mervel a reas 33 den ag ar gumun abalamour d'ar brezel .

Monumantoù ha traoù heverk

Porzh Pempoull

• Ar porzh.

Douaroniezh

Stêrioù

• War lez dehoù aber an Trev emañ Pempoull, eus tu Plounez.

Dont da Bempoull

Un hent-houarn zo etre Pempoull ha Gwengamp.

Eus Sant-Brieg ez eer da Bempoull:

• pe dre hent an aod, dre Vinig, Staol ha Plouha,
• pe dre hent Lannon, bet ledanaet diwar-goust ar maezioù, ar c'hleuzioù, hag ar gwez, daoust ma talc'her d'ober freuz c'hoazh e 2010 e-kichen Plehedel^(Resisaat).

Eus Gwengamp ez eer da Bempoull:

• pe dre Bloueg hag ar Roc'h-Derrien,
• pe dre Sant-Kleve, Kemper-Gwezhenneg ha Plourivoù.

Emdroadur ar boblañs abaoe 1962

Niver a annezidi

Krennlavar

Etre Pempoull ha Lokemo
Emañ gwele an Anko(ù).

Brud Pempoull

Brudet eo kêr Pempoull dre ar bed a-bezh, ha dont a ra he brud:

• eus ar morueta e penn kentañ an XX^vet kantved, ha levr ar skrivagner gall Pierre Loti, Pêcheur d'Islande ; eno e voe filmet Pêcheur d'Islande (film), 1916 gant ar filmaozour gall Henri Pouctal,
• eus kanaouenn Théodore Botrel, La Paimpolaise, bet drevezet gant ar sizhunieg gall Le Canard enchaîné diwar-benn taolioù an FLB,
• eus Gouel Kan ar Vartoloded a vez eno bep daou vloaz e-pad an hañv hag a sach touristed eus Europa ha bagoù eus ar bed.

Sevenadur

Sinema

• etre ar 4 a viz C'hwevrer hag an 23 a viz Meurzh 1985 e vo troet ar film Le Voyage à Paimpol gant ar filmaozer stadunanat John Berry e Pempoull.

Gevelliñ

Bro	Kêr	Abaoe
Bro-Saoz	Romsey	1959
Stadoù-Unanet	Vermillion	1992
Island	Grundarfjörður	2004

Tud

Tud bet ganet eno

• Gwilherm Berthou (Kerverzhioù e anv-pluenn), skrivagner brezhonek, d'an 10 a viz Mae 1908.
• Nathalie Even, marc'hhouarnerez vreizhat, bet ganet d'ar 7 a viz Meurzh 1970 e Pempoull.

Liammoù diavaez

• (fr) Pempoull war lec'hienn ar gumuniezh-kumunioù
• (br) Pempoull war lec'hienn Geobreizh

Levrlennadur

• Régis de Saint-Jouan : Dictionnaire des communes. Département des Côtes d'Armor. Eléments d'histoire et d'archéologie. Conseil Général. 1990.