Dictionnaire français-breton (Martial Ménard)

Eus Wikipedia
Sauter à la navigation Sauter à la recherche
Martial Ménard o kinnig e c'heriadur en Oriant

An Dictionnaire français-breton, gant Martial Ménard, lesanvet ivez Geriadur Ménard, zo bet embannet gant Palantines, e Kemper, e 2012 [1], anezhañ ar brasañ geriadur galleg-brezhoneg zo bet biskoazh.

Perzhioù hollek[kemmañ | kemmañ ar vammenn]

Ul levr tev, 1465 pajenn ennañ, maketennet gant Kuzul ar Brezhoneg, eo. E-barzh ar "Remerciements", en deus meneget Martial Ménard Divi Kervella a zo bet ar reizher meur pa oa ur brezhoneger ampart-tre hag saver meur a geriouegoù war bep seurt tachenn. Trugarezioù a ya ivez da Gi Étienne ha Yann-Baol an Noalleg a zo bet saverien geriadurioù arbennik (mezegiezh, stlenneg, matematik, fizik, kimiezh, armerzh). Holl labourioù savet gant Preder hag ar gelaouenn Lavar a zo bet iplijet ivez.
Diwar lenn ar rakskrid sinet gant M. Ménard e-unan e c'heller gouzout ma 'z eus 48 611 pennger el lodenn geriadurel bennañ. Da-heul e kaver div stagadenn lec'hanvadurel, an hini gentan evit 1 956 lec'hanv Breizh hag an eil evit 549 anv vro, anv stad hag anv kêr-benn er bed, ar pezh a ra 51 116 en holl.

Evezhiadennoù war an embannadur kentañ[kemmañ | kemmañ ar vammenn]

  • Brave: zo troet gant kadarn, ha mat, gant skouerioù. E Geriadur Hemon-Huon e roer pemp ger (kadarn, kalonek, dispont, disaouzan, mat), hep displegadur avat.
  • Farce : unan eus ar geriadurioù kentañ eo oc'h ober mat ar c'hemm etre "fars" (troidigezh "CUIS. farce") ha "farz" (troidigezh "far").
  • Vigilance: evezhiañs, evezh, evel e Geriadur Hemon-Huon, ma kaver evezhiegezh en tu brezhonek ouzhpenn.

Gerioù a vank[kemmañ | kemmañ ar vammenn]

Sed amañ un nebeudig, kavet gant lennerien, hag a servijo en un adembannadur :

Adembannadur 2020[kemmañ | kemmañ ar vammenn]

Adembannet eo bet dindan ur ment heñvel hag ur c'holoenn gant un tres roz warni (e lec'h gwer) gant Embannadurioù An Alarc'h. Kresket eo bet ken e kaver muioc'h a 51 000 pennger enni. Reizhet eo bet.

Notennoù[kemmañ | kemmañ ar vammenn]